Ebandeli 1:24 - Mokanda na Bomoi

²⁴ Bongo Nzambe alobaki : « Tika ete mokili ebimisa bikelamu ya bomoi kolanda lolenge na yango : bibwele, bikelamu oyo etambolaka na libumu, banyama ya mike-mike mpe banyama ya zamba ! » Yango esalemaki mpe bongo.

Ebandeli 1:24 ပူးပေါင်းရင်းမြစ်များ

Ebandeli 1:23

Pokwa ezalaki, tongo mpe ezalaki. Yango ezalaki mokolo ya mitano.

Ebandeli 2:19

Yawe Nzambe asalaki, wuta na mabele, banyama nyonso ya zamba mpe bandeke nyonso ya likolo. Amemaki yango epai ya mobali mpo na kotala ndenge akopesa yango kombo, mpo ete ekelamu nyonso ya bomoi ebengama na kombo oyo mobali akopesa yango.

Ebandeli 6:20

Bikelamu mibale ya lolenge moko na moko ya bandeke, ya bibwele mpe ya bikelamu nyonso oyo etambolaka na libumu ; nyonso ekoya epai na yo mpo ete obatela yango na bomoi.

Ebandeli 7:14

Elongo na bango, ekotaki mpe banyama ya zamba ya lolenge nyonso, bibwele ya lolenge nyonso, bikelamu ya lolenge nyonso oyo etambolaka na libumu mpe bandeke ya lolenge nyonso mpe bikelamu nyonso oyo ezali na mapapu.

Ebandeli 8:19

Banyama nyonso, bikelamu nyonso oyo etambolaka na libumu mpe bandeke nyonso, bikelamu nyonso oyo etambolaka na mokili, ebimaki na masuwa na molongo kolanda lolenge na yango.

Yobo 39:1

Oyebi tango nini bantaba ya ngomba ebotaka ? Osila komona ndenge mboloko ebotaka ?

Yobo 39:19

Boni, yo nde moto opesa mpunda makasi mpe olatisa kingo na yango pwale ya milayi ?

Yobo 39:5

Nani akangoli ane ya zamba ? Nani apesi yango bonsomi ?

Yobo 39:9

Mpakasa ekoki kondima kosalela yo ? Ekoki kolekisa butu na elielo na yo ya banyama ?

Yobo 40:15

Tala ngubu : nakelaki yango ndenge nakelaki yo, kasi eliaka kaka matiti lokola ngombe.

Banzembo 104:18

Bangomba milayi ezali ekimelo mpo na bantaba ya zamba, mpe madusu ya mabanga ezali bibombamelo mpo na bampanya ya zamba.

Banzembo 104:23

kasi moto abimaka mpo na kokende na mosala na ye mpe asalaka kino na pokwa.

Banzembo 148:10

ezala banyama ya zamba to bibwele nyonso, ezala bikelamu oyo etambolaka na libumu to bandeke,