Daniele 3:22 - Mokanda na Bomoi

²² Lokola mokonzi apesaki mitindo ete bapelisa moto ya libulu ya moto makasi penza, moto yango ebomaki basoda oyo babwakaki Shadraki, Meshaki mpe Abedinego kati na libulu ya moto.

Daniele 3:22 ပူးပေါင်းရင်းမြစ်များ

1 Bakonzi 13:28

Abimaki mpe akutaki ebembe elali na nzela, ane mpe nkosi etelemi pembeni ya ebembe. Nkosi eliaki te ezala ebembe to ane.

Kobima 12:33

Bato ya Ejipito batindikaki bana ya Isalaele ete babima noki na mokili na bango. Bazalaki koloba : « Bokende na bino, noki te biso tokokufa. »

Masese 11:8

Moto ya sembo akokangolama na pasi, mpe moto mabe akomona pasi na esika ya moto ya sembo.

Masese 21:18

Moto mabe azalaka lokola motuya oyo bafutaka mpo na kosikola moto ya sembo ; moto ya sembo te azalaka lokola motuya oyo bafutaka mpo na kosikola moto ya alima.

Daniele 1:7

Mokonzi ya bakalaka ya lokumu apesaki bango bakombo ya sika ; apesaki Daniele kombo Belitsatsari ; Anania, Shadraki ; Mikaeli, Meshaki ; mpe Azaria, Abedinego.

Daniele 2:15

Daniele atunaki Arioki : « Mpo na nini mokonzi azwi mokano ya makasi boye ? » Bongo Arioki atalisaki Daniele makambo yango.

Daniele 6:24

Mokonzi asepelaki makasi mpe apesaki mitindo ete babimisa Daniele wuta na libulu. Boye, babimisaki Daniele wuta na libulu mpe bamonaki ata pota moko te na nzoto na ye, pamba te azalaki na elikya na Nzambe na ye.

Matayo 27:5

Yuda abwakaki mbongo yango kati na Tempelo, alongwaki wana mpe akendeki komidiembika.

Misala ya Bantoma 12:19

Erode atindaki bato koluka Petelo, kasi bamonaki ye te. Bongo, sima na ye kosambisa bakengeli, apesaki mitindo ete baboma bango. Sima na yango, Erode atikaki Yuda mpe akendeki kovanda mwa mikolo na Sezarea.