Bilombe 8:16 - Mokanda na Bomoi

¹⁶ Azwaki bampaka ya engumba Sukoti mpe abetisaki bango fimbu, na basende ya esobe mpe singa ya nzube.

Bilombe 8:16 ပူးပေါင်းရင်းမြစ်များ

Esidrasi 2:6

Bakitani ya Paati-Moabi na nzela ya Jozue mpe Joabi : nkoto mibale na nkama mwambe na zomi na mibale.

Masese 10:13

Bibebu ya moto ya mayele ezalaka na bwanya, kasi fimbu ezali malamu mpo na mokongo ya moto oyo azangi mayele.

Masese 19:29

Etumbu esalema mpo na batioli, mpe fimbu esalema mpo na bazoba.

Mishe 7:4

Moto oyo aleki malamu kati na bango azali lokola nzube, moto oyo aleki sembo azali mabe koleka liboke ya basende. Mokolo oyo bakengeli na yo basakolaki ekokisami, mokolo oyo Yawe ayei kopesa yo etumbu. Sik’oyo, ekomi tango na bango ya koyoka soni.

Bilombe 8:15

Jedeon akendeki epai ya bato ya mboka Sukoti mpe alobaki na bango : « Tala Zeba mpe Tsalimuna oyo bofingelaki ngai na koloba : ‹ Osili kotia na se ya bokonzi na yo Zeba mpe Tsalumuna mpo ete biso topesa lipa na basoda na yo, oyo basili kolemba ? › »

Bilombe 8:17

Abukaki ndako molayi ya Penueli mpe abomaki mibali ya engumba.

Bilombe 8:7

Jedeon alobaki : — Lokola bolobi boye, tango Yawe akokaba, na maboko na ngai, Zeba mpe Tsalimuna, nakopasola-pasola misuni na bino na basende ya esobe mpe na singa ya nzube.