Bilombe 19:30 - Mokanda na Bomoi

³⁰ Moto nyonso oyo amonaki yango alobaki : « Likambo ya boye nanu namona yango te mpe nanu esalema te, wuta mokolo oyo bana ya Isalaele babimaki na Ejipito. Bokanisa na tina na yango, botala yango malamu mpe boyebisa biso nini tosengeli kosala. »

Bilombe 19:30 ပူးပေါင်းရင်းမြစ်များ

Masese 11:14

Mpo na kozanga koyeba kokamba, ekolo ekokweya ; kasi lobiko ezali kati na motango ebele ya bapesi toli.

Masese 13:10

Lolendo ememaka kaka na koswana, kasi bato oyo bayokaka toli bazwaka bwanya.

Masese 15:22

Mabongisi ekokisamaka te soki bato basangani te mpo na kopesa mayele, kasi ekokisamaka malamu soki bapesi toli bazali ebele.

Masese 20:18

Soki ozali kosala mabongisi, tunaka toli ; mpe soki olingi kobunda bitumba, zala na ekenge mpe na mayele.

Masese 24:6

Pamba te kolonga na etumba esengaka bwanya, mpe lobiko ezalaka kati na motango ebele ya bapesi toli.

Oze 9:9

Bamikotisi penza kati na mabe ndenge basalaki na mikolo ya Gibea. Nzambe akobosana mabe na bango te mpe akopesa bango etumbu mpo na masumu na bango.

Bilombe 20:7

Sik’oyo, bino nyonso bana ya Isalaele, boloba mpe bokata likambo oyo.