Banzembo 88:1 - Mokanda na Bomoi

¹ Wuta na buku ya mokambi ya bayembi. Nzembo ya bana ya Kore. Ezali ya koyemba na flite. Nzembo ya Emani, moto ya Ezera.

Banzembo 88:1 ပူးပေါင်းရင်းမြစ်များ

Ebandeli 49:18

Oh Yawe, nazali na elikya ete okobikisa ngai !

1 Bakonzi 5:11

Azalaki na bwanya koleka bato nyonso ; koleka ata Etani, moto ya Ezera ; Emani, Kalikoli mpe Darida, bana mibali ya Maoli. Boye, sango na ye epanzanaki kati na bikolo nyonso ya zingazinga.

1 Masolo ya Kala 2:6

Bana mibali ya Zera : Zimiri, Etani, Emani, Kalikoli mpe Darida ; bango nyonso bazalaki mitano.

1 Masolo ya Kala 6:18

Tala bato oyo bazalaki kosala mosala yango, elongo na bana na bango ya mibali : Kati na bana mibali ya Keati : Moyembi Emani, mwana mobali ya Joeli, mwana mobali ya Samuele,

Neyemi 1:6

tika ete litoyi na Yo eyoka na bokebi mpe miso na Yo ezala ya kofungwama mpo na koyoka libondeli oyo mowumbu na Yo azali kosala liboso na Yo, butu mpe moyi, na tina na basali na Yo, bana ya Isalaele. Nazali kotubela masumu oyo biso bana ya Isalaele, ezala ngai mpe libota ya tata na ngai, tosalaki liboso na Yo.

Banzembo 140:7

Nalobaka na Yawe : « Ozali Nzambe na ngai ! » Yawe, yoka mabondeli na ngai.

Banzembo 22:2

Nzambe na ngai, Nzambe na ngai, mpo na nini osundoli ngai ? Mpo na nini otelemi mosika ? Mpo na nini ozali kobikisa ngai te ? Mpo na nini ozali koyoka te koganga na ngai ?

Banzembo 24:5

Yawe akopambola ye ; mpe Nzambe, Mobikisi na ye, akokomisa ye sembo.

Banzembo 27:1

Nzembo ya Davidi. Yawe azali pole mpe lobiko na ngai ; nakobanga nani ? Yawe azali ndako batonga makasi ya bomoi na ngai ; nakolenga liboso ya nani ?

Banzembo 27:9

Kopesa ngai mokongo te, kobengana mosali na Yo te na kanda ; osungaki ngai. Kotika ngai te, kosundola ngai te, Nzambe, Mobikisi na ngai.

Banzembo 42:1

Nzembo ya bana ya Kore. Wuta na buku ya mokambi ya bayembi.

Banzembo 51:14

Zongisela ngai esengo ya lobiko na Yo, mpe kabela ngai molimo oyo emibongisi malamu mpo na kolendisaka ngai.

Banzembo 53:1

Nzembo ya Davidi. Wuta na buku ya mokambi ya bayembi. Eyembamaki na flite.

Banzembo 62:7

Solo, azali libanga mpe lobiko na ngai ; azali ebombamelo na ngai, nakoningana te.

Banzembo 65:5

Esengo na moto oyo oponi mpe obulisi mpo ete avanda kati na lopango na Yo. Tokotonda na bolamu ya Ndako na Yo, Tempelo na Yo ya bule.

Banzembo 68:19

Yawe Nzambe, tango omataki na likolo, omemaki bakangami, ozwaki makabo epai ya bato, ata epai ya batomboki, mpo ete okoma kovanda kuna.

Banzembo 79:9

Nzambe Mobikisi na biso, sunga biso mpo na lokumu ya Kombo na Yo, kangola biso mpe limbisa masumu na biso mpo na Kombo na Yo !

Banzembo 86:3

Oh Nkolo, yokela ngai mawa ; pamba te nabelelaka Yo tango nyonso !

Ezayi 12:2

Solo, Nzambe azali lobiko na ngai ; nakotia elikya na ngai epai na Ye mpe nakobanga lisusu te. Nkolo Yawe azali makasi mpe nguya na ngai ; azali lobiko na ngai. »

Ezayi 62:6

Oh Yelusalemi, natelemisi basenzeli na likolo ya bamir na yo ; bakovanda nye te, ezala na moyi to na butu. Bino bato oyo bosalaka ete Yawe akanisa lisusu Yelusalemi, bovanda kimia te ;

Luka 1:47

mpe natondi na esengo mpo na Nzambe, Mobikisi na ngai,

Luka 18:7

Boni, Nzambe akolongisa te baponami na Ye, tango bagangaka epai na Ye butu mpe moyi ? Boni, akozelisa bango ?

Luka 2:30

Pamba te miso na ngai emoni Mobikisi oyo awuti epai na Yo,

Luka 2:37

sima na yango, akufisaki mobali mpe atikalaki lisusu kobala te kino akokisaki mibu tuku mwambe na minei ya mbotama. Azalaki kolongwa te na Tempelo, kasi azalaki kosalela Nzambe, butu mpe moyi ; azalaki kokila bilei mpe kosambela.

1 Batesalonika 3:10

Tobondelaka Nzambe na molende nyonso, butu mpe moyi, mpo ete apesa biso nzela ya komona bino lisusu mpe ya kokokisa oyo ezangi kati na kondima na bino.

2 Timote 1:3

Nazali kozongisa matondi epai ya Nzambe oyo nasalelaka na motema peto ndenge bakoko na ngai bazalaki kosala, pamba te tango nyonso, ezala butu to moyi, nabosanaka yo te na mabondeli na ngai.

Tito 2:10

mpe bayibaka te. Kasi teya bango ete bamilakisaka tango nyonso lokola bato oyo bankolo na bango bakoki kotiela mitema, mpo ete bakomisa malakisi ya Nzambe Mobikisi na biso elengi.

Tito 2:13

wana tozali kozela kokokisama ya elikya oyo epambolama : komonisama ya nkembo ya Yesu-Klisto, Nzambe monene mpe Mobikisi na biso, oyo