Banzembo 77:3 - Mokanda na Bomoi

³ Tango nazalaka na pasi, nalukaka Nkolo ; na butu, nalembaka te kotombola maboko na ngai mpe naboyaka kobondisama.

Banzembo 77:3 ပူးပေါင်းရင်းမြစ်များ

Ebandeli 37:35

Bana na ye nyonso ya mibali mpe ya basi bayaki kobondisa ye ; kasi aboyaki kobondisama. Alobaki : « Te ; nakozala na matanga kino nakolanda mwana na ngai na mboka ya bakufi epai wapi mwana na ngai azali. » Boye, tata na ye alelaki ye.

Yobo 15:11

Kobondisama ya Nzambe mpe maloba ya kimia oyo bazali koloba mpo na yo, ekoki te mpo na yo ?

Yobo 31:23

Pamba te nazalaki kobanga etumbu ya Nzambe, mpe nakokaki te kosala eloko liboso ya lokumu na Ye.

Yobo 6:4

Makonga ya Nkolo-Na-Nguya-Nyonso etoboli ngai, mpe molimo na ngai ezali komela ngenge na yango ; Nzambe atelemeli ngai na kanda na Ye.

Yobo 7:11

Yango wana, nakokanga monoko na ngai te, molimo na ngai ekoloba kaka na mawa, mpe motema na ngai ekolela kaka pasi na ngai.

Banzembo 42:11

Nzoto na ngai ekomaka kosala pasi makasi tango bayini na ngai bafingaka ngai, tango balobaka na ngai mokolo mobimba : « Wapi Nzambe na yo ? »

Banzembo 42:5

Nazalaka na posa ya kokanisa makambo oyo, ndenge mpe nasopaka molimo na ngai : Tango nazalaki kotambola kati na ebele ya bato, nazalaki komema bango kino na Tempelo ya Nzambe, kati na koganga ya esengo mpe ya kozongisa matondi lokola makelele ya bato oyo bazali na feti.

Banzembo 43:5

Oh molimo na ngai, mpo na nini olembi boye ? Mpo na nini ozali komitungisa kati na ngai ? Tia elikya na yo kati na Nzambe, pamba te nakosanzola Ye lisusu, Mobikisi mpe Nzambe na ngai.

Banzembo 50:15

Mpe belela ngai na tango ya pasi ; nakokangola yo, mpe okopesa ngai nkembo.

Banzembo 61:2

Oh Nzambe, yoka koganga na ngai, yoka na bokebi losambo na ngai.

Loyembo ya Salomo 3:1

Butu mobimba, na mbeto na ngai, nazali koluka mobali oyo motema na ngai elingaka ; naluki ye, kasi namonaki ye te.

Ezayi 26:16

Yawe, kati na pasi na bango, balukaki Yo ; tango opesaki bango etumbu, bamikabaki na mabondeli makasi.

Jeremi 17:17

Kobangisa ngai te, pamba te ozali Ekimelo na ngai na tango ya pasi !

Bileli 3:17

Nazangaki kimia, nayebaki lisusu te nini yango bolamu.

Bileli 3:39

Mpo na nini moto na bomoi amilela-lela tango bapesi ye etumbu likolo ya masumu na ye ?