Banzembo 69:14 - Mokanda na Bomoi

¹⁴ Yawe, nabondeli Yo ! Nzambe, tango ekoki, tango ya kotalisa ngai bolingo monene na Yo ! Yanola ngai na nzela ya boyengebene mpe lobiko na Yo !

Banzembo 69:14 ပူးပေါင်းရင်းမြစ်များ

Banzembo 109:21

Kasi Yo Nkolo Yawe, salela ngai bolamu mpo na lokumu ya Kombo na Yo, kangola ngai kolanda boboto ya bolingo na Yo.

Banzembo 109:3

Bazingeli ngai na maloba ya koyina mpe bazali kobundisa ngai kaka pamba.

Banzembo 144:7

Tanda loboko na Yo wuta kuna na likolo mpo na kobikisa mpe kokangola ngai na mayi minene, na maboko ya bapaya

Banzembo 35:19

Tika ete banguna na ngai basepela te na tina na ngai ; tika ete bayini na ngai na kozanga tina bakanga miso te.

Banzembo 42:2

Ndenge mbuli eyokaka posa ya komela mayi, ndenge wana mpe molimo na ngai ezali na posa na Yo, Nzambe.

Banzembo 42:7

Nzambe, molimo na ngai elembi kati na ngai ; yango wana nazali kokanisa Yo wuta na mokili ya Yordani, wuta na songe ya ngomba Erimoni mpe wuta na ngomba Mitseari.

Banzembo 69:15

Bimisa ngai na potopoto, sala ete nazinda lisusu te, nakangolama wuta na maboko ya bayini na ngai mpe nabima na mayi ya mozindo !

Banzembo 86:5

Nkolo, ozali malamu, olimbisaka, otonda na bolingo mpo na bato nyonso oyo babelelaka Yo.

Bileli 3:55

Nabelelaki Kombo na Yo, Yawe, wuta na mozindo ya libulu.

Yona 2:8

Wana nakomi pene ya kobungisa elikya, nakanisi Yo, Yawe, mpe libondeli na ngai emati kino epai na Yo, kino na Tempelo na Yo ya bule.

Malako 15:34

Na ngonga yango ya misato ya pokwa, Yesu agangaki : — Eloi, Eloi, lema sabachtani ? Elingi koloba : « Nzambe na Ngai, Nzambe na Ngai, mpo na nini osundoli Ngai ? »

Luka 19:14

Kasi bandeko na ye, bana mboka, bazalaki kolinga ye te ; batindaki ndambo ya bato, sima na ye, mpo na koloba : « Toboyi ete moto oyo akoma mokonzi na biso. »

Luka 19:27

Kasi banguna na ngai wana, oyo baboyaki ete nakoma mokonzi na bango, bomemela ngai bango awa mpe boboma bango na miso na ngai. »