Banzembo 66:9 - Mokanda na Bomoi

⁹ Asalaka ete totangama kati na bato ya bomoi. Abatelaki makolo na biso mpo ete tokweya te.

Banzembo 66:9 ပူးပေါင်းရင်းမြစ်များ

Banzembo 112:6

Solo, aninganaka ata moke te. Bakanisaka misala ya moto ya sembo tango nyonso.

Banzembo 121:3

Akotika te ete lokolo na yo eselumuka ; Ye oyo abatelaka yo animbaka te.

Banzembo 125:3

Bokonzi ya mabe ekowumela te na etuka ya bato ya sembo, mpo ete basangana te na mabe.

Banzembo 22:29

Pamba te Yawe azali Mokonzi, azali kokonza bikolo.

Banzembo 55:23

Bwakela Yawe mokumba na yo, akosunga yo ; akotika te ete moto ya sembo akweya mpo na libela.

Banzembo 62:2

Solo, nazwaka kimia kati na Nzambe ; lobiko na ngai ewutaka epai na Ye.

Banzembo 62:6

Oh molimo na ngai, zwa bopemi kati na Nzambe, pamba te elikya na ngai ewutaka epai na Ye.

Banzembo 94:18

Soki nalobi : « Makolo na ngai ekomi kolenga na somo, » bolingo na Yo, Yawe, epesaka ngai makasi.

Misala ya Bantoma 17:28

Pamba te, ezali na nzela na Ye nde tozalaka na bomoi, toninganaka mpe tozalaka oyo tozali, ndenge bakomi na bino mosusu baloba : « Tozali bana na ye ! »

1 Samuele 2:9

Yawe akobatelaka makolo ya babulami na Ye, kasi bato mabe bakobunga kati na molili. Moto akotikala kolonga te na makasi na ye moko.

1 Samuele 25:29

Ezala soki moto moko atelemi mpo na kolanda yo to mpo na koboma yo, Yawe, Nzambe na yo, akobatela malamu bomoi ya nkolo na ngai kati na bato ya bomoi, kasi akobwaka banguna na yo mosika lokola na ebambelo mabanga.