Banzembo 58:3 - Mokanda na Bomoi

³ Te, ezala kati na mitema na bino, bosalaka mabongisi ezanga bosembo ; botandaka kanza ya maboko na bino kati na mokili.

Banzembo 58:3 ပူးပေါင်းရင်းမြစ်များ

Yobo 15:14

Moto azali nani mpo ete azala peto ? Ye oyo abotami na mwasi azali nani mpo ete azala sembo ?

Banzembo 22:10

Solo, Yawe, obimisaki ngai na libumu ya mama na ngai, obatelaki ngai na kimia na tolo na ye.

Banzembo 51:5

Pamba te nayebi mabe na ngai, mpe masumu na ngai ezalaka tango nyonso liboso na ngai.

Banzembo 55:10

Nkolo, bebisa mabongisi ya banguna na ngai mpe kotisa mobulu kati na bango ; pamba te, kati na engumba, nazali komona mobulu mpe bokabwani.

Masese 22:15

Motema ya mwana moke ezalaka na bozoba, bongo fimbu ya pamela elongolaka yango kati na ye.

Ezayi 46:3

Oh ndako ya Jakobi, boyoka Ngai, mpe bino nyonso, batikali ya libota ya Isalaele, bino oyo nandima kobatela wuta na libumu ya mama mpe nandima komema mokumba wuta mbotama na bino.

Ezayi 48:8

Solo, oyoka yango nanu te mpe oyebi yango te ; wuta kala, litoyi na yo ezalaka ya kokangama. Solo, nayebi ete ozalaka mokosi ; babengaka yo motomboki wuta na libumu ya mama na yo.

Mishe 2:1

Mawa na bato oyo babongisaka kosala mabe, oyo bakanisaka kosala bato mabe na bambeto na bango ! Bakokisaka yango na tongo, pamba te bazali na makoki ya kosala yango.

Ba-Efeso 2:3

Biso nyonso mpe, na kala, tozalaki elongo na bango, tozalaki kotambola kolanda baposa na biso ya nzoto, tozalaki kokokisa nyonso oyo nzoto mpe makanisi na biso ezalaki kotinda biso kosala. Lokola bato mosusu, kanda ya Nzambe esengelaki kokweyela biso mpo na mabe ya bomoto na biso.