Banzembo 55:22 - Mokanda na Bomoi

²² Maloba ya monoko na ye ezalaka sukali, nzokande bitumba evandi kati na motema na ye ; maloba na ye ezalaka ya kimia koleka mafuta, nzokande ezali mopanga oyo ezangi ebombelo.

Banzembo 55:22 ပူးပေါင်းရင်းမြစ်များ

Banzembo 12:3

Bato nyonso bazali kokosana bango na bango, bazali kolobana maloba ya sukali, kasi mitema na bango ezali sembo te.

Banzembo 121:3

Akotika te ete lokolo na yo eselumuka ; Ye oyo abatelaka yo animbaka te.

Banzembo 16:8

Natalelaka Yawe tango nyonso, pamba te azali pene na ngai mpo ete naningana te.

Banzembo 27:14

Talela Yawe ! Zala makasi mpe yika mpiko ! Talela Yawe !

Banzembo 37:24

ezala akweyi, akotikala kaka ya kokweya te ; pamba te Yawe asimbaka ye na loboko.

Banzembo 37:5

Kaba bomoi na yo epai na Yawe, tia elikya kati na Ye, mpe akosala :

Banzembo 62:2

Solo, nazwaka kimia kati na Nzambe ; lobiko na ngai ewutaka epai na Ye.

Banzembo 62:6

Oh molimo na ngai, zwa bopemi kati na Nzambe, pamba te elikya na ngai ewutaka epai na Ye.

Banzembo 62:8

Nzambe azali lobiko mpe nkembo na ngai ; libanga ya makasi na ngai mpe ebombamelo na ngai ezali kati na Nzambe.

Banzembo 63:8

pamba te ozali lisungi mpo na ngai, mpe nagangaka na esengo wana nazali na se ya elili ya mapapu na Yo.

Banzembo 64:4

Bapelisaka lolemo na bango ndenge bapelisaka mopanga, babimisaka maloba ya bololo lokola makonga

Ezayi 50:10

Ezali na moto kati na bino oyo atosaka Yawe mpe ayokaka mongongo ya Mowumbu na Ye, bongo atambola kati na molili mpe atikala komona pole te ? Tika ete atia elikya na ye kati na Kombo na Yawe mpe atalela Nzambe na ye.

Jeremi 9:7

Lolemo na bango ezali lokola likonga oyo ebomaka, ebimisaka kaka maloba ya lokuta. Moto na moto alobaka na moninga na ye na esengo na monoko ; kasi na se ya motema, atielaka ye motambo.

Matayo 11:28

Boya epai na Ngai, bino nyonso oyo bolembi na mikumba ; Ngai, nakopesa bino bopemi.

Matayo 6:25

Yango wana, nazali koloba na bino : bomitungisaka te na tina na bomoi na bino, na komituna : tokolia nini to tokomela nini ? To na tina na banzoto na bino, na komituna : Tokolata nini ? Boni, bomoi eleki bilei te na tina, mpe nzoto eleki bilamba te na tina ?

Luka 12:22

Bongo Yesu alobaki na bayekoli na Ye : — Yango wana, nazali koloba na bino : bomitungisaka te na tina na bomoi na bino, na komituna : tokolia nini ? To na tina na banzoto na bino, na komituna : Tokolata nini ?

1 Petelo 1:5

ba-oyo Nzambe abatelaka na nguya na Ye, na nzela ya kondima, mpo na lobiko oyo ekomonisama na tango ya suka.

1 Petelo 5:7

Bobwaka epai na Ye makambo nyonso oyo etungisaka bino, pamba te Ye nde abatelaka bino.

1 Samuele 2:9

Yawe akobatelaka makolo ya babulami na Ye, kasi bato mabe bakobunga kati na molili. Moto akotikala kolonga te na makasi na ye moko.