Banzembo 51:3 - Mokanda na Bomoi

³ Oh Nzambe, yokela ngai mawa kolanda bolingo monene na Yo ; longola masumu na ngai kolanda mawa monene na Yo !

Banzembo 51:3 ပူးပေါင်းရင်းမြစ်များ

Neyemi 9:2

Bato nyonso oyo babotama na molongo ya bana ya Isalaele bakabwanaki na bapaya nyonso ; batelemaki mpo na kotubela masumu na bango mpe bambeba ya batata na bango.

Yobo 33:27

Boye akoyemba na miso ya bato mpe akoloba : ‹ Nasalaki masumu mpe natambolaki na bosembo te, kasi nazwi lifuti oyo nasengelaki kozwa te.

Banzembo 32:5

Tango nandimaki masumu na ngai mpe nabombaki mabe na ngai te, nalobaki : « Nakotubela masumu na ngai liboso ya Yawe. » Bongo Yo olimbisaki mabe mpe masumu na ngai.

Banzembo 38:18

Pamba te nakomi pene ya kokweya, pasi na ngai ezali kaka elongo na ngai tango nyonso.

Banzembo 40:12

Yawe, kopimela ngai mawa na Yo te ; kasi sala ete bolingo mpe bosolo na Yo ebatelaka ngai tango nyonso.

Banzembo 41:5

Nalobaki : « Oh Yawe, yokela ngai mawa ; bikisa ngai na bokono, pamba te nasalaki masumu epai na Yo. »

Masese 28:13

Moto oyo abombaka masumu na ye abongaka te, kasi ye oyo atubelaka mpe atikaka yango azwaka ngolu.

Ezayi 43:25

Ezali Ngai, Ngai kaka nde nalimbisaka masumu na yo mpo na lokumu ya Ngai moko mpe nakokanisa lisusu masumu na yo te.

Ezayi 59:12

Pamba te mabe na biso ekomi mingi na miso na Yo, mpe masumu na biso ekomi kofunda biso ; masumu na biso ezali liboso na biso mpe toyebi malamu bambeba na biso :

Jeremi 3:25

Soni ekomi lokola mbeto na biso, mpe kosambwa, lokola bulangeti mpo na komizipa ; pamba te biso mpe batata na biso, tosalaki masumu liboso ya Yawe, Nzambe na biso, totosaki Yawe te, wuta bolenge na biso. »