Banzembo 50:11 - Mokanda na Bomoi

¹¹ Nayebi bandeke nyonso ya bangomba ; mpe banyama ya bilanga ezali ya ngai.

Banzembo 50:11 ပူးပေါင်းရင်းမြစ်များ

Yobo 38:41

Nani abongiselaka yanganga bilei tango bana na yango egangaka epai ya Nzambe mpe tango eyengaka-yengaka mpo na kozanga bilei ?

Banzembo 104:12

Bandeke ya likolo evandaka pembeni ya mayi yango mpe eyembaka kati na makasa.

Banzembo 147:9

Apesaka bilei epai ya bibwele mpe epai ya bana ya yanganga oyo ezali koganga mpo na nzala.

Ezayi 56:9

Bino banyama nyonso ya esobe, boya ; bino banyama nyonso ya zamba, boya kolia !

Matayo 6:26

Botala ndeke ya likolo : elonaka nkona te, ebukaka bambuma te, ebombaka bilei te kati na bibombelo ; kasi Tata na bino ya Likolo aleisaka yango. Boni, bozali na motuya te koleka yango ?

Luka 12:24

Botala bayanganga : elonaka nkona te, ebukaka bambuma te, ezali te na ebombelo bambuma to na ebombelo bilei ; kasi Nzambe aleisaka yango. Nzokande bino, boleki bandeke na motuya.