Banzembo 45:12 - Mokanda na Bomoi

¹² Mokonzi asepeli na kitoko na yo ; lokola azali nkolo na yo, gumbama liboso na ye.

Banzembo 45:12 ပူးပေါင်းရင်းမြစ်များ

Banzembo 22:29

Pamba te Yawe azali Mokonzi, azali kokonza bikolo.

Banzembo 68:29

Nzambe na yo apesi mitindo epai ya makasi na yo ; zala makasi. Nzambe, osaleli biso penza makambo.

Banzembo 72:10

Bakonzi ya Tarsisi mpe ya bisanga bakomemela ye mpako ya mokonzi, bakonzi ya Saba mpe ya Seba bakopesa ye makabo.

Loyembo ya Salomo 2:14

Ebenga na ngai oyo obombami kati na madusu ya mabanga, kati na madusu ya bangomba, monisa ngai ata elongi na yo mpe sala ete nayoka ata mongongo na yo, pamba te mongongo na yo ezalaka elengi mpe elongi na yo ezalaka kitoko mingi ! »

Loyembo ya Salomo 7:11

Ngai, nazali ya mobali na ngai ; mpe ye, azalaka kaka na posa na ngai.

Ezayi 49:23

Bakonzi bakozala batata babokoli na yo, mpe basi na bango, basungi na yo ; bakofukama liboso na yo na bilongi etala na mabele, bakolembola putulu ya makolo na yo. Boye, okoyeba solo ete Ngai, nazali Yawe ; ete bato oyo batielaka Ngai motema bayokisamaka soni te. »

Ezayi 60:3

Bikolo ekotambola na pole na yo, mpe bakonzi bakotambola na kongenga ya pole na yo.

Matayo 2:11

Bakomaki na ndako yango, bamonaki Mwana elongo na Mari, mama na Ye, mpe bagumbamelaki Ye ; bongo bafungolaki mabenga na bango mpe babonzelaki Ye biloko oyo lokola bakado : wolo, malasi ya ansa mpe mire.