Banzembo 4:4 - Mokanda na Bomoi

⁴ Boyeba ete Yawe abulisi mpo na Ye moko mosali oyo azali sembo na miso na Ye ; Yawe ayokaka ngai tango nabelelaka Ye.

Banzembo 4:4 ပူးပေါင်းရင်းမြစ်များ

Yobo 28:28

Bongo alobaki na moto : « Kotosa Nkolo, yango nde bwanya ! Koboya mabe, yango nde mayele ! »

Banzembo 119:161

Bakambi banyokolaka ngai kaka pamba, kasi kaka liloba na Yo nde ebangisaka motema na ngai.

Banzembo 17:6

Nzambe na ngai, nabelelaka Yo, pamba te oyanolaka ngai. Yoka libondeli na ngai.

Banzembo 2:11

Bosalela Yawe na kobanga mpe bosepela na kolenga.

Banzembo 3:2

Oh Yawe, banguna na ngai bazali motango boni ! Banguna boni oyo bazali kobundisa ngai !

Banzembo 3:4

Nzokande Yo, Yawe, ozali nguba mpe nkembo na ngai, Yo nde omatisaka lokumu na ngai.

Banzembo 33:8

Tika ete mokili mobimba etosa Yawe ! Tika ete bavandi nyonso ya mokili balenga liboso na Ye.

Banzembo 46:10

Asilisaka bitumba kino na basuka ya mokili, akataka batolotolo, abukaka makonga mpe atumbaka na moto bashar ya bitumba.

Banzembo 63:6

Nakotonda lokola moto oyo asili kolia misuni kitoko mpe mafuta ; bibebu na ngai ekoganga na esengo mpe monoko na ngai ekokumisa Yo.

Banzembo 77:6

Nakanisaka lisusu mikolo ya kala, mibu nyonso oyo eleka ;

Masese 16:17

Bato ya sembo batambolaka na nzela oyo epesaka mabe mokongo. Moto oyo abatelaka motema na ye abatelaka nde bomoi na ye.

Masese 16:6

Bolingo mpe bosembo elongolaka mbeba ; kotosa Yawe etindaka moto kokima mabe.

Masese 3:7

Tika ete omimonaka te moto ya bwanya na miso na yo moko ; tosa Yawe mpe longwa na mabe.

Jeremi 5:22

Bokoki penza kobanga Ngai te, » elobi Yawe ? « Bokoki solo kolenga liboso na Ngai te, Ngai oyo nasala zelo lokola mondelo ya mayi, epekiselo ya libela oyo mayi ekoleka ata mokolo moko te ? Mayi ekoki kotomboka, kasi ezali na nguya te ; ata soki esali makelele, kasi ekoleka mondelo yango te.

Abakuki 2:20

Nzokande, Yawe azali kati na Tempelo na Ye ya bule ; tika ete mokili mobimba ezala kimia liboso na Ye !

2 Bakolinto 13:5

Bomimeka bino moko mpe botala soki bozali kati na kondima ; bomitala penza bino moko malamu. Boyebi te ete Yesu-Klisto azali kati na bino ? Loba ete bosila kokweya liboso ya komekama.

Ba-Efeso 4:26

Soki bosiliki, bosalaka masumu te ; kanda na bino esengeli kosila liboso ete pokwa ekoma.