Banzembo 38:5 - Mokanda na Bomoi

⁵ Mabe na ngai eleki moto na ngai, ezali kilo makasi epai na ngai lokola mokumba ya kilo makasi.

Banzembo 38:5 ပူးပေါင်းရင်းမြစ်များ

Esidrasi 9:6

Nalobaki : « Oh Nzambe na ngai ! Nazali kati na mobulu mpe nazali koyoka soni makasi mpo na kotombola elongi na ngai epai na Yo, Nzambe na ngai ; pamba te masumu mpe mabe na biso ekomi ebele penza mpe emati kino na Likolo !

Banzembo 32:3

Lokola nazalaki kondima mabe na ngai te, nazalaki tango nyonso kolela mpo na pasi.

Banzembo 38:7

Nagumbami, nalembi makasi ; nakomi moto ya mawa mpo na libela.

Banzembo 40:13

Pamba te makambo ebele ya pasi ezingeli ngai, mabunga na ngai ekomi konyokola ngai, mpe nazali kokoka lisusu te kotala yango ; ezali ebele koleka suki ya moto na ngai, mpe motema na ngai elembi kati na ngai.

Banzembo 65:4

Kilo ya bambeba eleki makasi mpo na ngai ; kasi Yo, olimbisaka masumu na biso.

Banzembo 69:5

Bato oyo bayinaka ngai na kozanga tina bazali ebele koleka motango ya suki ya moto na ngai ; ba-oyo balukaka kobebisa bomoi na ngai, oyo bazali banguna na ngai kaka pamba, bazali bato na nguya ; bazali kosenga ngai na makasi ete nazongisa eloko oyo nayibaki te.

Jeremi 8:22

Boni, kisi ezali te kati na Galadi ? Minganga bazali kuna te ? Bongo mpo na nini bato na ngai bazali kobika te ?