Banzembo 38:14 - Mokanda na Bomoi

¹⁴ Kasi ngai nazali kosala lokola mokufi matoyi ; mpe lokola baba, nakangi monoko, naboyi koloba.

Banzembo 38:14 ပူးပေါင်းရင်းမြစ်များ

Ezayi 53:7

Banyokolaki ye mpe bamonisaki ye pasi, kasi atikalaki kofungola monoko na ye te lokola mpate oyo bazali komema na esika oyo babomelaka banyama, lokola meme liboso ya bato oyo bazali kolongola yango bapwale ; akangaki monoko na ye.

Amosi 5:13

Boye, moto ya mayele alobaka te na tango ya boye, pamba te mikolo ezali mabe.

Mishe 7:5

Botia motema te epai ya bazalani na bino, botia elikya te epai ya baninga na bino ya motema. Ezala liboso ya mwasi oyo alalaka na tolo na yo, keba na maloba oyo ezali kobima na monoko na yo.

Yoane 8:6

Balobaki bongo mpo na kotiela Yesu motambo mpe koluka nzela ya kofunda Ye. Kasi Yesu agunzamaki ; mpe na nzela ya mosapi na Ye, abandaki kokoma na mabele.