Banzembo 37:19 - Mokanda na Bomoi

¹⁹ Na tango ya pasi, bakokawuka te ; na mikolo ya nzala, bakozala na bilei ebele.

Banzembo 37:19 ပူးပေါင်းရင်းမြစ်များ

Banzembo 33:19

mpo na kokangola bango na kufa mpe kobatela bango na bomoi ata na tango ya nzala makasi.

Masese 10:3

Yawe atikaka te ete moto ya sembo akufa nzala, kasi apimelaka bato mabe biloko oyo bazali na yango posa.

Mosakoli 9:12

Moto moko te ayebi tango nini ngonga na ye ekokoka : ndenge mbisi ekangamaka na monyama to ndenge banyama ekangamaka na motambo, ndenge wana mpe bato bakangamaka na mitambo ya pasi oyo ekweyelaka bango na mbalakata.

Ezayi 33:16

Moto wana akovanda na likolo : mabanga ya makasi ekozala ekimelo na ye. Akozanga te lipa ya kolia mpe mayi ya komela.

Amosi 5:13

Boye, moto ya mayele alobaka te na tango ya boye, pamba te mikolo ezali mabe.

Mishe 2:3

Mpo na yango, Yawe alobi : « Nazali kobongisa mabe mpo na ekolo ya lolenge oyo : ekozala pasi moko oyo bakokoka komibikisa na yango te. Bakokoka lisusu kotambola na lolendo te, pamba te ekozala tango ya pasi makasi.

Ba-Efeso 5:16

Bosalelaka tango na bino na ndenge ya malamu, pamba te mikolo ezali mabe.