Banzembo 33:1 - Mokanda na Bomoi

¹ Bino bato ya sembo, bobeta milolo ya esengo na tina na Yawe ! Kokumisa Nzambe ebongi na bato oyo bazali alima.

Banzembo 33:1 ပူးပေါင်းရင်းမြစ်များ

Banzembo 118:15

Koganga ya esengo mpe ya elonga eyokanaka wuta na bandako ya kapo ya bato ya sembo, pamba te nguya na Yawe esalaka makambo minene !

Banzembo 135:3

Bokumisa Yawe ! Pamba te Yawe azali malamu ! Boyembela Kombo na Ye, pamba te ezali kitoko makasi.

Banzembo 147:1

Bokumisa Yawe ! Tala ndenge ezali malamu kosanzola Nzambe na biso, mpe ndenge ezali kitoko kokumisa Ye !

Banzembo 32:11

Bino bato ya sembo, bosepela kati na Yawe, bozala na esengo ! Bino nyonso oyo bozali na mitema alima, bobeta milolo ya esengo.

Banzembo 97:12

Bino bato ya sembo, bosepela kati na Yawe ; bosanzola Ye na kotatola bosantu na Ye.

Masese 15:8

Mbeka ya moto mabe ezalaka nkele na miso ya Yawe, kasi libondeli ya moto ya sembo esepelisaka Ye.

Barome 3:10

Kolanda ndenge ekomama : « Moto ya sembo azali te, ata moko te ;

Barome 5:19

Pamba te ndenge kozanga botosi ya moto moko ekomisaki bato ebele bato ya masumu, ndenge wana mpe botosi ya moto moko ekomisi bato ebele bato ya sembo.

Bafilipi 4:4

Bosepelaka tango nyonso kati na Nkolo ; nazongeli yango lisusu : bosepelaka !