Banzembo 19:8 - Mokanda na Bomoi

⁸ Mibeko ya Yawe ezali ya kokoka, epesaka biso lisusu nguya ya kozala na bomoi. Maloba na Ye nyonso ezali ya solo, ebongi na kotiela yango elikya, mpe epesaka bwanya epai ya zoba.

Banzembo 19:8 ပူးပေါင်းရင်းမြစ်များ

Ebandeli 26:5

Nakosala yango mpo ete Abrayami atosaki Ngai, abatelaki bikateli na Ngai, mitindo na Ngai mpe mibeko na Ngai.

2 Bakonzi 17:37

Bosengeli tango nyonso kozala na bokebi mpo na kobatela bikateli mpe malako, mibeko mpe mitindo oyo Yawe akomaki mpo na bino. Bogumbamela banzambe mosusu te,

Neyemi 8:12

Bato nyonso bakendeki kolia mpe komela, kotinda ndambo ya bilei epai ya bato oyo bazangaki eloko ya kolamba mpe kosepela na esengo makasi, pamba te basosolaki maloba oyo balimbolelaki bango.

Neyemi 9:13

Okitaki na ngomba Sinai, olobaki na bango wuta na likolo mpe opesaki bango malako, mibeko ya solo mpe ya alima, mitindo mpe bikateli malamu.

Banzembo 105:45

mpo ete babatela mitindo na Ye mpe batosa mibeko na Ye. Bokumisa Yawe !

Banzembo 111:7

Misala na Ye nyonso elakisaka boyengebene mpe bosembo na Ye ; mibeko na Ye nyonso ebongi na kondima yango.

Banzembo 119:105

Liloba na Yo ezali mwinda mpo na makolo na ngai, mpe pole mpo na nzela na ngai.

Banzembo 119:12

Yawe, tika ete opambolama ! Lakisa ngai mitindo na Yo !

Banzembo 119:121

Natambolaka na bosembo mpe bosolo ; kokaba ngai na maboko ya banyokoli na ngai te !

Banzembo 119:128

namonaka mpe malako na Yo nyonso alima ; nzokande, nayinaka lokuta nyonso.

Banzembo 119:130

Emoniseli ya liloba na Yo engengisaka, epesaka bazoba mayele.

Banzembo 119:14

Nasepelaka kotambola kolanda malako na Yo lokola nde nazali na bomengo nyonso.

Banzembo 119:143

Pasi ekangi ngai, mpe mayele esili ngai ; kasi mibeko na Yo epesaka ngai esengo.

Banzembo 119:16

Nasepelaka mingi na malako na Yo mpe nabosanaka liloba na Yo te.

Banzembo 119:171

Tika ete bibebu na ngai ekumisa Yo, pamba te olakisaka ngai mitindo na Yo !

Banzembo 119:24

Malako na Yo esepelisaka ngai makasi, epesaka ngai toli.

Banzembo 119:40

Nasepelaka makasi na mibeko na Yo ; batela bomoi na ngai kati na bosembo na Yo !

Banzembo 119:54

Nakoma koyemba mitindo na Yo na bisika nyonso epai wapi nazali moleki nzela.

Banzembo 119:80

Tika ete motema na ngai ezanga pamela mpo na kotosa mitindo na Yo, mpo ete nakufa soni te.

Banzembo 119:92

Soki nasepelaki na mibeko na Yo te, mbele nakufa kala kati na pasi na ngai.

Banzembo 12:6

Yawe alobi : « Mpo ete bazali konyokola babola mpe kolelisa bato oyo bakelela, natelemi sik’oyo mpo na kobikisa batiolami. »

Banzembo 13:3

Kino tango nini nakozala mawa-mawa kati na motema na ngai mpe nakomitungisa mikolo nyonso ? Kino tango nini monguna na ngai akolonga ngai ?

Banzembo 40:8

Bongo nalobaki : « Ngai oyo, nayei epai na Yo kolanda ndenge ekomami na tina na ngai kati na buku.

Banzembo 93:5

Yawe, malako na Yo ezali penza ya solo ; bosantu elati Ndako na Yo mpo na libela.

Kobima 18:16

Soki bazali na kowelana, bayaka epai na ngai ; mpe ngai nakataka makambo, sima nalakisaka bango mibeko mpe bikateli ya Nzambe.

Masese 2:6

Pamba te Yawe nde apesaka bwanya, mpe maloba ya monoko na Ye epesaka mayele mpe bososoli.

Masese 30:5

Liloba nyonso ya Nzambe ezalaka na libunga te, ezali nguba mpo na bato oyo bazwaka yango lokola ebombamelo na bango.

Masese 6:23

Mibeko ezali mwinda, mateya ezali pole, makebisi mpe pamela ezali nzela ya bomoi,

Ezayi 64:5

Biso nyonso, tokomi lokola eloko ya mbindo, misala na biso nyonso ya bosembo ezali lokola elamba ya mbindo ; biso nyonso tokawuki lokola likasa mpe masumu na biso ememi biso lokola mopepe !

Jeremi 15:16

Tango kaka nayokaki maloba na Yo, nayambaki yango na esengo ; maloba yango esepelisaki ngai mpe etondisaki motema na ngai na esengo ; pamba te babengaka ngai na Kombo na Yo, Yawe, Nzambe-Na-Nguya-Nyonso.

Ezekieli 36:27

Nakotia Molimo na Ngai kati na bino mpe nakosala ete botosa bikateli na Ngai mpe bobatela mibeko na Ngai na bokebi.

Barome 3:20

Yango wana, moto moko te akotangama lokola moto ya sembo na miso ya Nzambe mpo ete akokisi misala ya Mobeko, pamba te Mobeko epesaka kaka boyebi ya lisumu.

Barome 7:22

Pamba te kati na motema na ngai, nasepelaka na Mobeko ya Nzambe ;

Barome 7:7

Boye toloba nini ? Mobeko ekomi nde lisumu ? Soki moke te ! Soki Mobeko ezalaki te, nalingaki mpe koyeba lisumu te. Pamba te soki Mobeko elobaki te : « Okolulaka te, » nalingaki mpe koyeba te soki kolula ezali penza nini.

Bagalatia 2:19

Pamba te, na nzela ya Mobeko, ngai nasilaki kokufa na oyo etali Mobeko mpo ete nakoka kobika bomoi na ngai mpo na Nzambe. Nabakamaki na ekulusu elongo na Klisto ;

Bagalatia 3:21

Boni, Mobeko eyaki mpo na kotelemela bilaka ya Nzambe ? Ata moke te ! Soki mobeko moko epesamaki, mobeko oyo ezali na makoki ya kopesa bato bomoi, bato balingaki penza kokoma sembo na nzela ya mobeko yango.

Deteronomi 16:11

Okosepela liboso ya Yawe, Nzambe na yo, na esika oyo akopona mpo na kotia Kombo na Ye : yo, bana na yo ya mibali, bana na yo ya basi, bawumbu na yo ya mibali, basi bawumbu na yo, Balevi oyo bazali kati na bingumba na yo, bapaya, bana bitike mpe basi bakufisa mibali oyo bazali kovanda kati na yo.

Deteronomi 16:14

Okozala na esengo na feti yango : yo, bana na yo ya mibali mpe ya basi, bawumbu na yo ya mibali, basi bawumbu na yo, Balevi, bapaya, bana bitike mpe basi bakufisa mibali oyo bazali kati na bingumba na yo.