Banzembo 19:10 - Mokanda na Bomoi

¹⁰ Kotosa Yawe ezali peto, ewumelaka libela na libela. Mitindo ya Yawe ezali ya solo, nyonso ezali penza sembo.

Banzembo 19:10 ပူးပေါင်းရင်းမြစ်များ

Yobo 23:12

Napengwaki te mosika ya mateya ya bibebu na Ye ; nabatelaki yango lokola bomengo ya kitoko, koleka lipa na ngai ya mokolo na mokolo.

Banzembo 119:103

Tala ndenge mitindo na Yo ezali elengi na monoko na ngai ! Ezali malamu koleka mafuta ya nzoyi.

Banzembo 119:127

Yango wana nalingaka mibeko na Yo koleka wolo, koleka kutu wolo ya peto ;

Banzembo 119:72

Mpo na ngai, mibeko oyo ozwaki mpe osakolaki na monoko na Yo ezali malamu koleka biloko nkoto moko ya wolo mpe ya palata.

Banzembo 63:5

Boye, nakopambola Yo bomoi na ngai mobimba, nakotombola maboko na ngai mpo na lokumu ya Kombo na Yo.

Masese 16:16

Bwanya ezali malamu koleka wolo, mpe kozwa mayele ezali na litomba koleka palata.

Masese 24:13

Mwana na ngai, lia mafuta ya nzoyi, pamba te ezalaka kitoko ! Mwa ndambo ya mafuta ya nzoyi ekozala elengi na lolemo na yo.

Masese 8:19

Mbuma na ngai ezali kitoko koleka wolo, ezala wolo ya peto, mpe mbuma oyo nabotaka eleki palata ya kitoko.

Emoniseli 10:10

Nakamataki buku yango na loboko ya anjelu mpe naliaki yango. Na monoko na ngai, ezalaki sukali lokola mafuta ya nzoyi ; kasi sima na ngai kolia yango, ekomaki bololo kati na libumu na ngai.