Banzembo 18:31 - Mokanda na Bomoi

³¹ Nzela ya Nzambe ezali ya kokoka, Liloba na Yawe ezali na mbeba te ; azali nguba mpo na bato nyonso oyo bazwaka Ye lokola ebombamelo na bango.

Banzembo 18:31 ပူးပေါင်းရင်းမြစ်များ

2 Samuele 22:32

Nani azali Nzambe soki Yawe te ? Nani azali libanga soki Nzambe na biso te ?

Banzembo 12:7

Maloba ya Yawe ezalaka peto lokola palata oyo balekisi na moto mpe bapetoli mbala sambo.

Banzembo 86:8

Nkolo, nzambe moko te ekokani na Yo, kati na banzambe ; moko te ekoki kosala makambo oyo Yo osalaka.

Masese 30:5

Liloba nyonso ya Nzambe ezalaka na libunga te, ezali nguba mpo na bato oyo bazwaka yango lokola ebombamelo na bango.

Ezayi 45:5

Nazali Yawe, mosusu azali te ; Nzambe mosusu azali te, soki Ngai te. Nalatisi yo mokaba na loketo atako oyebi Ngai nanu te ;

Ezekieli 18:29

Libota ya Isalaele ezali koloba : ‹ Nzela ya Nkolo ezali sembo te. › Oh libota ya Isalaele, nzela na Ngai ezali sembo te ? Boni, ezali te penza banzela na bino nde ezangi bosembo ?

Deteronomi 32:31

Pamba te Libanga na bango azali lokola libanga na biso te ; bango moko banguna na biso bayebi yango.

Deteronomi 32:39

Botala sik’oyo, Ngai kaka nde nazali Nzambe ; mosusu azali te ! Nabomaka mpe napesaka bomoi ; nazokisaka mpe nabikisaka. Mpe moto moko te akoki kokangola oyo ezali na maboko na Ngai.

1 Samuele 2:2

Moko te azali bule lokola Yawe ; moko te, bobele Yo. Libanga moko te ezali lokola Nzambe na biso.