Banzembo 17:5 - Mokanda na Bomoi

⁵ Matambe na ngai ezalaka kaka na banzela na Yo, napengwaka te.

Banzembo 17:5 ပူးပေါင်းရင်းမြစ်များ

Yobo 23:11

Makolo na ngai elandaki matambe na Ye ; natambolaki na nzela na Ye mpe natikalaki kopengwa na yango te.

Banzembo 119:133

Lendisa bomoi na ngai na nzela ya liloba na Yo mpe pekisa mabe ete ekonza ngai te.

Banzembo 121:3

Akotika te ete lokolo na yo eselumuka ; Ye oyo abatelaka yo animbaka te.

Banzembo 121:7

Yawe akobatela yo na mabe nyonso, akobatela bomoi na yo ;

Banzembo 18:36

Okomisaka lobiko na Yo nguba na ngai, loboko na Yo ya mobali elendisaka ngai, mpe lisungi na Yo ekomisaka ngai makasi.

Banzembo 18:37

Otambolisaka ngai na kimia, mpe makolo na ngai elengaka te.

Banzembo 38:16

Yawe, natiaka elikya na ngai kati na Yo ; oh Nkolo, Nzambe na ngai, solo, okoyanola.

Banzembo 44:18

Makambo wana nyonso ekweyeli biso atako tobosanaki Yo te mpe tobebisaki Boyokani na Yo te,

Banzembo 94:18

Soki nalobi : « Makolo na ngai ekomi kolenga na somo, » bolingo na Yo, Yawe, epesaka ngai makasi.

Jeremi 10:23

Oh Yawe, nayebi ete moto moko te azali mokonzi ya bomoi na ye ; moto oyo azali kotambola azali na bokonzi te ya kokamba matambe na ye.

1 Samuele 2:9

Yawe akobatelaka makolo ya babulami na Ye, kasi bato mabe bakobunga kati na molili. Moto akotikala kolonga te na makasi na ye moko.