Banzembo 143:7 - Mokanda na Bomoi

⁷ Yawe, zongisela ngai eyano noki ! Molimo na ngai ezali kolemba. Kopesa ngai mokongo te, noki te nakozala lokola bato oyo bazali kokita na libulu.

Banzembo 143:7 ပူးပေါင်းရင်းမြစ်များ

Banzembo 102:2

Yawe, yoka libondeli na ngai ! Tika ete koganga na ngai ekoma kino epai na Yo !

Banzembo 22:24

Bino bato oyo botosaka Yawe, bosanzola Ye ! Bino nyonso bana ya Jakobi, bopesa Ye lokumu ! Bino nyonso bana ya Isalaele, botosa Ye !

Banzembo 27:9

Kopesa ngai mokongo te, kobengana mosali na Yo te na kanda ; osungaki ngai. Kotika ngai te, kosundola ngai te, Nzambe, Mobikisi na ngai.

Banzembo 28:1

Nzembo ya Davidi. Yawe, nazali kobelela Yo ! Ozali Libanga na ngai, koboya te koyoka ngai. Soki te, nakozala lokola bato oyo bazali kokita na kunda.

Banzembo 40:17

Kasi tika ete bato nyonso oyo balukaka Yo batonda na esengo mpe basepela kati na Yo ! Tika ete ba-oyo balingaka lobiko na Yo balobaka tango nyonso : « Yawe azali monene ! »

Banzembo 69:17

Yawe, yanola ngai, pamba te bolingo na Yo ezali malamu ; baluka epai na ngai, na mawa monene na Yo.

Banzembo 69:18

Kobombela lisusu mosali na Yo te elongi na Yo. Yanola ngai noki, pamba te nazali na pasi.

Banzembo 69:3

Nazali kozinda na potopoto, na mozindo makasi epai wapi eloko ya kosimba ezali te ; nakiti na mozindo ya mayi, mbonge ememi ngai.

Banzembo 70:5

Tika ete bato nyonso oyo balukaka Yo batonda na esengo mpe basepela kati na Yo ! Tika ete ba-oyo balingaka lobiko na Yo balobaka tango nyonso : « Nzambe azali monene ! »

Banzembo 71:12

Oh Nzambe, kozala mosika na ngai te ! Nzambe na ngai, yaka noki mpo na kosunga ngai.

Banzembo 84:2

Yawe, Mokonzi ya mampinga, tala ndenge bisika oyo ovandaka ezali kopesa posa !

Masese 13:12

Elikya oyo ekokisami te epesaka bokono na motema, kasi posa oyo ekokisami ezali nzete ya bomoi.

Ezayi 38:18

Pamba te mboka ya bakufi ekoki te kokumisa Yo, kufa ekoki kosanzola Yo te ; bato oyo bakitaka na mboka ya bakufi bazalaka na elikya na boyengebene na Yo te.

Ezayi 57:16

Nakosambisa mpo na libela te mpe nakozala na kanda tango nyonso te, noki te molimo ya moto nyonso oyo nasala ekokufa na miso na Ngai.

Ezayi 8:17

Nakotalela Yawe oyo abombi elongi na Ye, oyo apesi ndako ya Jakobi mokongo ; nakotia elikya na ngai kati na Ye.

Luka 21:26

Bato bakokufa na somo, wana bakozala kokanisa makambo oyo esengeli koya na mokili, pamba te banguya ya Likolo ekoningisama.