Banzembo 141:3 - Mokanda na Bomoi

³ Yawe, kengela monoko na ngai, batela malamu ekuke ya bibebu na ngai !

Banzembo 141:3 ပူးပေါင်းရင်းမြစ်များ

Banzembo 34:13

Nani asepelaka na bomoi ? Nani alingaka kobika mikolo ebele ya esengo ?

Banzembo 39:1

Wuta na buku ya mokambi ya bayembi mpe ya Yedutuni. Nzembo ya Davidi.

Banzembo 39:2

Namilobelaki : « Nakosala keba na etamboli na ngai mpo ete monoko na ngai esala masumu te ; nakobatela penza monoko na ngai tango nyonso moto mabe akozala liboso na ngai. »

Banzembo 71:8

Tika ete monoko na ngai etonda na masanzoli mpo na lokumu na Yo ; tika ete etatolaka tango nyonso kongenga ya nkembo na Yo.

Mishe 7:5

Botia motema te epai ya bazalani na bino, botia elikya te epai ya baninga na bino ya motema. Ezala liboso ya mwasi oyo alalaka na tolo na yo, keba na maloba oyo ezali kobima na monoko na yo.

Jake 1:26

Moto oyo akanisaka ete asambelaka Nzambe, kasi ayebaka te kobatela lolemo na ye, azali komikosa ye moko, mpe kosambela na ye ezali na tina te.

Jake 3:2

Biso nyonso tobetaka mabaku na lolenge ebele. Moto oyo abetaka libaku te na maloba oyo ebimaka na monoko na ye azali moto ya kokoka mpe azali na makoki ya kobatela bomoto na ye nyonso.