Banzembo 140:5 - Mokanda na Bomoi

⁵ Yawe, batela ngai mosika ya maboko ya moto mabe ; kokutanisa ngai te na bato na kanza oyo bazali kosala mabongisi ya kokweyisa ngai !

Banzembo 140:5 ပူးပေါင်းရင်းမြစ်များ

Yobo 18:9

Motambo ekangaka matambe na ye, mpe singa na yango ekangaka ye makasi.

Banzembo 119:110

Bato mabe batiaka mitambo mpo ete nakweya, kasi nakangamaka kaka na mibeko na Yo.

Banzembo 119:69

Bato ya lolendo bakoselaka ngai makambo ; kasi ngai, natosaka mitindo na Yo na motema na ngai mobimba.

Banzembo 119:85

Bato ya lolendo batimoli mabulu mpo na kokanga ngai, baboyi kotosa mibeko na Yo.

Banzembo 142:3

Natalisi likambo na ngai liboso na Ye, natandi pasi na ngai liboso na Ye.

Banzembo 31:4

Mpo ete ozali libanga na ngai mpe ndako na ngai ya makasi, kamba mpe tambolisa ngai mpo na lokumu ya Kombo na Yo.

Banzembo 35:7

Mpo ete, na kozanga tina, mpo na kokanga ngai, batielaki ngai mitambo mpe batimolaki mabulu,

Banzembo 36:11

Koba kotalisa bolingo na Yo epai ya bato oyo bayebi Yo, mpe bosembo na Yo epai ya bato ya mitema alima.

Banzembo 43:1

Oh Nzambe, longisa ngai mpe lobela ngai liboso ya ekolo oyo etosaka makambo na Yo te ; kangola ngai wuta na maboko ya bakosi mpe ya bato mabe.

Banzembo 57:6

Oh Nzambe, tika ete omitombola na likolo ya Lola ; tika ete nkembo na Yo ezala awa na mokili mobimba !

Masese 24:15

Yo moto mabe, komeka te kotia mitambo kati na ndako ya moto ya sembo, mpe komeka te kopanza yango,

Masese 29:5

Moto oyo alobaka na moninga na ye maloba ya sukali atielaka ye motambo na se ya matambe.

Jeremi 18:18

Bazalaki koloba : « Boya ! Tika ete tosalela Jeremi likita mpo na kosala ye mabe, pamba te ezala ndenge nini, Banganga-Nzambe bakosila te mpo na koteya Mobeko, bato ya bwanya bakosila te mpo na kopesa toli, mpe basakoli bakosila te mpo na kosakola Liloba na Yawe. Boya ! Tika ete toboma ye na nzela ya lolemo, mpe tolanda te makambo oyo azali koloba ! »

Jeremi 18:20

Boni, bazongisaka solo mabe na malamu ? Tala, batimoli libulu mpo na kokunda ngai ! Kanisa ndenge nini natelemaki liboso na Yo mpo na koloba na tina na bolamu na bango, mpo ete kanda na Yo ekende mosika na bango.

Jeremi 18:22

Tika ete kolela eyokana wuta na bandako na bango tango okotindela bango banguna na pwasa, pamba te batimoli libulu mpo ete bakanga ngai mpe batie mitambo na makolo na ngai !