Banzembo 136:1 - Mokanda na Bomoi

¹ Bosanzola Yawe, mpo ete azali malamu ; pamba te bolingo na Ye ewumelaka seko na seko !

Banzembo 136:1 ပူးပေါင်းရင်းမြစ်များ

1 Masolo ya Kala 16:34

Bosanzola Yawe, pamba te azali malamu, bolingo na Ye ewumelaka seko na seko.

1 Masolo ya Kala 16:41

Emani mpe Yedutuni bazalaki elongo na bango, mpe bamosusu oyo baponamaki na bakombo na bango mpo na kokumisa Yawe na maloba oyo : « Mpo ete bolingo na Ye ekowumela seko. »

2 Masolo ya Kala 20:21

Sima na ye kosolola na bato, Jozafati aponaki bayembi, atiaki bango liboso ya mampinga ya basoda, mpo na kokumisa Yawe mpe kotombola nkembo ya bosantu na Ye. Mpe batambolaki liboso ya mampinga ya basoda na koyemba : « Bosanzola Yawe, pamba te bolingo na Ye ewumelaka seko na seko ! »

2 Masolo ya Kala 7:3

Tango bana nyonso ya Isalaele bamonaki moto kokita mpe nkembo na Yawe na likolo ya Tempelo, bafukamaki bilongi kino na mabele ; bongo bagumbamelaki mpe basanzolaki Yawe na maloba oyo : « Azali malamu, bolingo na Ye ewumelaka seko na seko ! »

2 Masolo ya Kala 7:6

Banganga-Nzambe batelemaki na bisika na bango ya mosala, ndenge moko na Balevi mpe bibetelo mindule ya Yawe oyo mokonzi Davidi asalaki mpo na kosanzola na yango Yawe na maloba oyo : « Bolingo na Ye ewumelaka seko na seko. » Ezalaki Davidi moto apesaki bango mokumba ya kobeta bibetelo mindule mpo na kokumisa Yawe. Banganga-Nzambe bazalaki ya kotalana na Balevi mpe bazalaki kobeta bakelelo ; bongo bana nyonso ya Isalaele bazalaki ya kotelema.

Esidrasi 3:11

Bazalaki koyemba banzembo mpo na kokumisa mpe kozongisela Yawe matondi : « Solo, azali malamu, bolingo na Ye mpo na Isalaele ewumelaka seko na seko ! » Bongo bato nyonso bazalaki kobeta milolo makasi mpo na kokumisa Yawe mpo ete bazalaki kotia miboko ya Tempelo ya Yawe.

Banzembo 100:5

Pamba te Yawe azali malamu ; bolingo na Ye ewumelaka seko na seko, mpe boyengebene na Ye, libela na libela.

Banzembo 103:17

Kasi bolingo ya Yawe mpo na bato oyo batosaka Ye, mpe bosembo na Ye mpo na bakitani na bango,

Banzembo 105:1

Bokumisa Yawe, bobelela Kombo na Ye ! Bopanza sango ya misala minene na Ye kati na bikolo !

Banzembo 106:1

Bokumisa Yawe ! Bosanzola Yawe, pamba te azali malamu, bolingo na Ye ewumelaka seko na seko !

Banzembo 107:1

Bosanzola Yawe, pamba te azali malamu, mpe bolingo na Ye ewumelaka seko na seko !

Banzembo 118:1

Bosanzola Yawe, pamba te azali malamu, pamba te bolingo na Ye ewumelaka seko na seko !

Banzembo 119:68

Ozali malamu mpe osalaka makambo ya malamu ; teya ngai mitindo na Yo !

Jeremi 33:11

ekoyokana kuna lokito ya banzembo ya esengo mpe ya masanzoli, mingongo ya mobandami na libala ya mwasi mpe ya mobali, mpe mingongo ya bato oyo bazali kobonza kati na Tempelo ya Yawe makabo ya kozongisa matondi, na koloba : ‘ Bozongisa matondi epai na Yawe, Mokonzi ya mampinga, mpo ete Yawe azali malamu ; bolingo na Ye ewumelaka seko na seko ! ’ Pamba te nakozongisa lisusu kitoko ya mokili yango ndenge ezalaki liboso, › elobi Yawe.

Luka 1:50

Atalisaka boboto na Ye tango nyonso epai ya bato oyo batosaka Ye.

Jide 1:21

Bomibomba kati na bolingo ya Nzambe, wana bozali kozela ete Yesu-Klisto, Nkolo na biso, na mawa na Ye, apesa bino bomoi ya seko.