Banzembo 120:4 - Mokanda na Bomoi

⁴ Akobeta yo na makonga ya elombe ya bitumba, oyo ezali ya songe, elongo na makala ya moto ya nzete ya nzube.

Banzembo 120:4 ပူးပေါင်းရင်းမြစ်များ

Banzembo 45:5

Kati na kongenga na Yo, zala molongi, mata na shar na Yo, telema mpo na solo, mpo na komikitisa, mpe mpo na bosembo ; tika ete loboko na Yo ya mobali esala misala minene.

Banzembo 52:5

Olingaka mabe koleka bolamu, lokuta koleka koloba bosolo.

Banzembo 57:4

Akotinda wuta na likolo mpe akobikisa ngai, akopamela bato oyo batungisaka ngai. Nzambe akomonisa bolingo mpe boyengebene na Ye.

Banzembo 59:7

Bazongaka na pokwa, bagangaka lokola bambwa mpe batambolaka zingazinga ya engumba.

Banzembo 7:13

Soki alembisi kanda na Ye te, akopelisa minu ya mopanga na Ye, akobongisa mpe akobeta tolotolo na Ye.

Masese 11:12

Moto oyo atiolaka moninga na ye azangi mayele, kasi moto ya mayele avandaka kimia.

Masese 11:18

Moto mabe asalaka mosala na lokuta, kasi moto oyo alonaka na bosembo akozwa lifuti ya malonga.

Masese 11:9

Moto ya mbindo abebisaka moninga na ye na maloba ya monoko na ye, kasi boyebi ekokangola bato ya sembo.

Masese 12:22

Bibebu oyo ekosaka ezali nkele na miso ya Yawe, kasi bibebu oyo ekokisaka bosembo ezalaka elengi na miso na Ye.

Masese 16:27

Moto ya Beliali abongisaka kosala mabe, mpe maloba na ye ezali lokola moto oyo etumbaka.

Masese 18:21

Kufa mpe bomoi ezali na se ya nguya ya lolemo ; moto oyo alingaka lolemo akolia mbuma na yango.

Masese 18:8

Maloba ya moto ya songisongi ezalaka lokola bilei ya kitoko, ekitaka na esengo kino na libumu.

Masese 19:5

Motatoli ya lokuta akozwa etumbu ; moto oyo akosaka akozanga te kozwa etumbu.

Masese 19:9

Motatoli ya lokuta azwaka etumbu ; moto oyo akosaka akobebisama.

Jeremi 9:7

Lolemo na bango ezali lokola likonga oyo ebomaka, ebimisaka kaka maloba ya lokuta. Moto na moto alobaka na moninga na ye na esengo na monoko ; kasi na se ya motema, atielaka ye motambo.

Emoniseli 21:8

Kasi bato oyo batepaka-tepaka na kondima na bango, bato oyo bazangi kondima, bato oyo basalaka makambo ya soni, babomi, bandumba, bato ya maji, basambeli bikeko, mpe bato nyonso ya lokuta, bakobwakama kati na liziba ya moto mpe ya sofolo : yango nde kufa ya mibale. »