Banzembo 119:2 - Mokanda na Bomoi

² Esengo na bato oyo babatelaka malako na Ye mpe balukaka Ye na mitema na bango mobimba !

Banzembo 119:2 ပူးပေါင်းရင်းမြစ်များ

1 Bakonzi 2:3

Sala makambo oyo Yawe, Nzambe na yo, alingaka : tambola na banzela na Ye, batela malako mpe bikateli na Ye, mibeko mpe mitindo na Ye, ndenge ekomama kati na Mobeko ya Moyize, mpo ete olonga na makambo nyonso oyo okosala mpe na bisika nyonso oyo okokende ;

1 Masolo ya Kala 22:19

Sik’oyo, bobongisa mitema mpe milimo na bino mpo na koluka Yawe, Nzambe na bino. Bobanda kotonga Esika ya bule ya Yawe Nzambe mpo ete boyeisa Sanduku ya Boyokani ya Yawe mpe biloko ya bule ya Nzambe, na Tempelo oyo ekotongama mpo na Kombo na Yawe. »

2 Masolo ya Kala 31:21

Kati na nyonso oyo Ezekiasi asalaki, ezala mpo na mosala ya Ndako ya Nzambe to mpo na botosi mibeko mpe mitindo, azalaki koluka Nzambe na ye mpe kosala na motema na ye mobimba ; mpe azalaki kolonga na makambo nyonso oyo azalaki kosala.

Banzembo 105:45

mpo ete babatela mitindo na Ye mpe batosa mibeko na Ye. Bokumisa Yawe !

Banzembo 119:10

Nalukaka Yo na motema na ngai mobimba ; batela ngai mpo ete napengwa te mosika ya mibeko na Yo !

Banzembo 119:101

Natambolaka te na banzela nyonso ya mabe mpo na kotosa liloba na Yo.

Banzembo 119:115

Bato ya misala mabe, bokende mosika na ngai ! Nakotosa mibeko ya Nzambe na ngai !

Banzembo 119:146

Nazali kobelela Yo : bikisa ngai, mpo ete natosa malako na Yo !

Banzembo 119:17

Salela ngai, mosali na Yo, bolamu mpo ete nabika mpe natosa liloba na Yo.

Banzembo 119:22

Longola soni mpe kotiolama na bomoi na ngai, pamba te natosaka malako na Yo.

Banzembo 119:33

Yawe, teya ngai nzela ya mitindo na Yo mpo ete nabatela yango kino na suka.

Banzembo 119:34

Pesa ngai bososoli mpo ete natosa mibeko na Yo mpe nalanda yango na motema na ngai mobimba.

Banzembo 119:57

Yawe, nalobi lisusu ete libula na ngai ezali : kotosa liloba na Yo.

Banzembo 119:69

Bato ya lolendo bakoselaka ngai makambo ; kasi ngai, natosaka mitindo na Yo na motema na ngai mobimba.

Banzembo 119:88

Kati na bolingo na Yo, batela bomoi na ngai mpo ete natosa malako na Yo.

Banzembo 25:10

Banzela nyonso ya Yawe etalisaka bolingo mpe boyengebene na Ye mpo na bato oyo babatelaka boyokani mpe malako na Ye.

Masese 23:26

Mwana na ngai ya mobali, pesa ngai motema na yo, mpe tika ete miso na yo esepela na nzela na ngai !

Jeremi 29:13

Bokoluka Ngai mpe bokomona Ngai, soki boluki Ngai na motema na bino mobimba.

Ezekieli 36:27

Nakotia Molimo na Ngai kati na bino mpe nakosala ete botosa bikateli na Ngai mpe bobatela mibeko na Ngai na bokebi.

Yoane 14:23

Yesu azongiselaki ye : — Moto oyo alingaka Ngai akobatela maloba na Ngai, mpe Tata na Ngai akolinga ye ; bongo tokoya epai na ye mpe tokovanda elongo na ye.

Deteronomi 4:29

Kasi soki, wuta na mokili wana, boluki Yawe, Nzambe na bino, bokomona Ye soki boluki Ye na motema na bino mobimba mpe na molimo na bino mobimba.

Deteronomi 6:17

Batela malamu mibeko, mitindo mpe bikateli ya Yawe, Nzambe na yo, oyo apesi yo.

Deteronomi 6:5

Okolinga Yawe, Nzambe na yo, na motema na yo mobimba, na molimo na yo mobimba mpe na makasi na yo nyonso.

1 Yoane 3:20

pamba te soki ata mitema na biso elongisi biso te, toyebi ete Nzambe azali monene koleka mitema na biso mpe ayebi nyonso.