Banzembo 119:145 - Mokanda na Bomoi

¹⁴⁵ Nazali kobelela Yo na motema na ngai mobimba : « Yawe, yanola ngai ; nakotosa mitindo na Yo !

Banzembo 119:145 ပူးပေါင်းရင်းမြစ်များ

Banzembo 102:1

Libondeli ya moto na pasi, oyo abungisi elikya mpe azali kolela liboso ya Yawe.

Banzembo 119:10

Nalukaka Yo na motema na ngai mobimba ; batela ngai mpo ete napengwa te mosika ya mibeko na Yo !

Banzembo 119:106

Nalapaki ndayi oyo mpe nakokokisa yango : « Nakotosaka mibeko ya bosembo na Yo. »

Banzembo 119:115

Bato ya misala mabe, bokende mosika na ngai ! Nakotosa mibeko ya Nzambe na ngai !

Banzembo 119:44

Nakotosa mibeko na Yo tango nyonso, mpe libela na libela.

Banzembo 119:58

Na motema na ngai mobimba, nalukaka kosepelisa Yo ; salela ngai ngolu kolanda bilaka na Yo !

Banzembo 119:8

Nalingi kotosa mitindo na Yo ; kosundola ngai libela te !

Banzembo 62:8

Nzambe azali lobiko mpe nkembo na ngai ; libanga ya makasi na ngai mpe ebombamelo na ngai ezali kati na Nzambe.

Banzembo 86:4

Nkolo, sepelisa motema na ngai, mosali na Yo, pamba te natombolaka molimo na ngai epai na Yo.

Jeremi 29:13

Bokoluka Ngai mpe bokomona Ngai, soki boluki Ngai na motema na bino mobimba.

1 Samuele 1:10

Wana Ana azalaki na pasi na motema, abondelaki Yawe na kolela mingi.

1 Samuele 1:15

Ana azongisaki : — Te, nkolo na ngai ! Nalangwe te, nameli ata vino to masanga makasi te. Kasi nazali na mawa mingi ; nazalaki kosopa motema na ngai epai na Yawe.