Banzembo 113:4 - Mokanda na Bomoi

⁴ Yawe azali na likolo ya bikolo nyonso, nkembo na Ye ezali na likolo koleka Lola.

Banzembo 113:4 ပူးပေါင်းရင်းမြစ်များ

1 Bakonzi 8:27

Kasi, boni, Nzambe akoki solo kovanda na mokili ? Soki kutu Likolo mpe Likolo oyo eleki likolo ekoki kokoka Yo te, bongo ekozala boni mpo na Tempelo oyo natongi !

Banzembo 148:13

Tika ete bakumisa Kombo ya Yawe ! Pamba te Ye moko kaka nde aleki likolo ; nkembo na Ye eleki mabele mpe likolo.

Banzembo 8:1

Wuta na buku ya mokambi ya bayembi. Nzembo ya Davidi ; ezali ya koyemba na lindanda ya bato ya Gati.

Banzembo 97:9

Pamba te, na mokili mobimba, Yo nde Yawe, ozali Ye-Oyo-Aleki-Likolo ; oleki banzambe nyonso.

Banzembo 99:2

Yawe azali monene kati na Siona, mpe Bokonzi na Ye ezali likolo ya bikolo nyonso.

Ezayi 40:15

Solo, bikolo ezali lokola litanga moko ya mayi na katini, lokola putulu kati na emekelo kilo ! Tala, amekaka bisanga lokola eloko ya moke penza.

Ezayi 40:17

Na miso na Ye, bikolo nyonso ezali lokola biloko pamba ; amonaka yango lokola eloko pamba to mpe lokola eloko te.

Ezayi 40:22

Yawe avandaka na likolo ya mondelo ya mabele, epai wapi bato na yango bamonanaka lokola mabanki ; atandaki likolo lokola liputa mpe afungolaki yango lokola ndako ya kapo mpo na kovanda kuna ;

Ezayi 66:1

Tala liloba oyo Yawe alobi : « Likolo ezali Kiti na Ngai ya bokonzi, mpe mabele ezali enyatelo makolo na Ngai. Ndako ya ndenge nini penza bokoki kotongela Ngai ? Esika ya bopemi ya ndenge nini penza bokoki kobongisela Ngai ?