Banzembo 112:4 - Mokanda na Bomoi

⁴ Pole engengaka kati na molili mpo na bato ya alima, mpo na moto oyo alimbisaka baninga, ayokelaka bato mawa mpe azali sembo.

Banzembo 112:4 ပူးပေါင်းရင်းမြစ်များ

Yobo 11:17

Bomoi na yo ekongenga lokola pole ya moyi oyo engengaka na midi, mpe butu na yo ekokoma lokola tongo.

Yobo 22:28

Makambo oyo okokana, ekosalema, mpe pole ekongenga na nzela na yo.

Yobo 29:3

tango mwinda na Ye ezalaki kongenga na moto na ngai, mpe tango, na pole na Ye, nazalaki kotambola kati na molili.

Banzembo 106:1

Bokumisa Yawe ! Bosanzola Yawe, pamba te azali malamu, bolingo na Ye ewumelaka seko na seko !

Banzembo 116:5

Yawe asalaka ngolu mpe azali sembo, Nzambe na biso ayokelaka bato mawa.

Banzembo 145:17

Yawe azali sembo na nyonso oyo asalaka mpe atonda na bolingo kati na misala na Ye nyonso.

Banzembo 37:6

akongengisa bosembo na yo lokola pole, makoki na yo lokola moyi ya midi.

Banzembo 97:11

Moyi elonami mpo na moto ya sembo, mpe esengo, mpo na bato oyo bazali na mitema alima.

Masese 21:21

Moto oyo alukaka bosembo mpe bolingo akozwa bomoi, bomengo mpe lokumu.

Ezayi 50:10

Ezali na moto kati na bino oyo atosaka Yawe mpe ayokaka mongongo ya Mowumbu na Ye, bongo atambola kati na molili mpe atikala komona pole te ? Tika ete atia elikya na ye kati na Kombo na Yawe mpe atalela Nzambe na ye.

Ezayi 58:10

soki opesi bilei na yo epai na ye oyo azali na nzala mpe okokisi posa ya moto oyo bazali konyokola, pole na yo ekongenga kati na molili, mpe molili na yo ekokoma lokola moyi ya ngonga midi.

Ezayi 58:8

Bongo, pole na yo ekongenga lokola moyi ya tongo, mpe nzoto na yo ekokoma kolongono na lombangu ; bosembo na yo ekotambola liboso na yo mpe nkembo na Yawe ekokengela yo na sima.

Luka 6:36

Boyokelaka bato mawa, ndenge kaka Tata na bino ayokelaka bato mawa.

Yoane 12:46

Ngai, pole, nayaki kati na mokili mpo ete moto nyonso oyo akondima Ngai azala lisusu te kati na molili.

Ba-Efeso 4:32

Botalisanaka boboto, boyokelanaka mawa mpe bolimbisanaka ndenge Nzambe alimbisaki bino kati na Klisto.

Ba-Efeso 5:15

Boye, bosalaka penza keba na ndenge na bino ya kobika ; tika ete ezala te lokola bazoba, kasi lokola bato na bwanya.

Ba-Efeso 5:9

pamba te mbuma ya pole ezali : boboto, bosembo, mpe bosolo.

1 Yoane 2:29

Boyebi malamu ete Klisto azali sembo ; boye bosengeli mpe koyeba ete moto nyonso oyo asalaka makambo ya sembo azali mwana na Nzambe.

1 Yoane 3:10

Tala ndenge nini bana na Nzambe bakeseni na bana ya Satana : moto nyonso oyo atambolaka te na bomoi ya sembo mpe alingaka ndeko na ye te azali mwana na Nzambe te.

1 Yoane 3:7

Bana na ngai, tika ete moto moko te akosa bino. Moto oyo atambolaka na bosembo azali sembo ndenge Ye moko Klisto azali sembo.