Banzembo 111:8 - Mokanda na Bomoi

⁸ Epesama mpo na libela, mpe esengeli kotosa yango na bosembo mpe na bosolo.

Banzembo 111:8 ပူးပေါင်းရင်းမြစ်များ

Banzembo 119:89

Yawe, liloba na Yo ezali mpo na seko, epikama kati na likolo ;

Banzembo 19:9

Mitindo ya Yawe ezali alima, esepelisaka motema ; malako na Ye ezali peto, epesaka bososoli.

Ezayi 40:8

Matiti ekawukaka mpe fololo elembaka, kasi Liloba na Nzambe na biso ewumelaka seko na seko. »

Matayo 5:18

Pamba te, nazali koloba na bino penza ya solo : liboso ete Likolo mpe mabele elimwa, nkoma moko te oyo eleki moke to litono oyo ezalaka na likolo ya i ekotikala kolongwa kati na Mobeko, kino makambo nyonso ekokisama.

Barome 3:31

Boni, tobomi Mobeko likolo ya kondima ? Soki moke te ! Tozali kutu kolendisa yango.

Barome 7:12

Boye, Mobeko ezali bule, mpe mitindo ezali bule, sembo mpe malamu.

Emoniseli 15:3

Bazalaki koyemba nzembo ya Moyize, mowumbu ya Nzambe, mpe nzembo ya Mpate : Yawe, Nzambe-Na-Nguya-Nyonso, misala na Yo ezali minene mpe ya kokamwa ! Mokonzi ya bikolo nyonso, banzela na Yo ezali sembo mpe solo.