Banzembo 109:23 - Mokanda na Bomoi

²³ Nazali kokende lokola elili oyo ezali kolimwa ; bazali kobengana ngai lokola mabanki.

Banzembo 109:23 ပူးပေါင်းရင်းမြစ်များ

1 Masolo ya Kala 29:15

Liboso na Yo, tozali bapaya mpe baleki nzela, ndenge ezalaki batata na biso. Mikolo na biso awa na mokili ezali koleka lokola elili oyo ezangi elikya.

Yobo 14:2

Akolaka mpe akawukaka lokola fololo, awumelaka te lokola elili ya lipata oyo elekaka.

Banzembo 102:12

Mikolo ya bomoi na ngai ezali kokima lokola elili, mpe nakawuki lokola matiti.

Banzembo 144:4

Moto azali lokola mopepe, mikolo ya bomoi na ye ezali lokola elili oyo ezali koleka.

Kobima 10:13

Boye Moyize asembolaki lingenda na ye na mokili ya Ejipito mpe Yawe atindaki mopepe ya este mokolo mobimba mpe butu mobimba. Mpe tango tongo etanaki, mopepe yango eyaki na mabanki.

Kobima 10:19

Bongo Yawe akomisaki mopepe ya este ekumbaki moko ya weste oyo ememaki mabanki mpe ebwakaki yango na ebale monene ya Barozo. Ata libanki moko te etikalaki na bisika nyonso ya Ejipito.

Mosakoli 6:12

Pamba te, nani ayebi likambo oyo ezali malamu mpo na bomoi ya moto, na mikolo na ye nyonso ya bomoi ya pamba oyo azali kolekisa lokola elili ? Nani akoki koyebisa ye makambo oyo ekoya sima na ye, na se ya moyi ?

Mosakoli 8:13

Nzokande, lokola bato mabe batosaka Nzambe te, makambo na bango mpe ekotambola malamu te, mpe mikolo ya bomoi na bango ekowumela te lokola elili.

Jake 4:14

Boni, boyebi makambo oyo ekoya lobi ? Bomoi na bino nde nini ? Ezali kaka te lokola londende oyo emonanaka mpo na mwa tango moke mpe, na sima, elimwe ?