Banzembo 106:44 - Mokanda na Bomoi

⁴⁴ Yawe amonaki pasi na bango, tango ayokaki koganga na bango.

Banzembo 106:44 ပူးပေါင်းရင်းမြစ်များ

2 Masolo ya Kala 6:25

yoka wuta na Likolo, limbisa masumu ya Isalaele, bato na Yo, mpe zongisa bango na mabele oyo opesaki bango mpe batata na bango !

Banzembo 107:13

Kati na pasi na bango, babelelaki Yawe, mpe abikisaki bango na mitungisi na bango.

Banzembo 107:19

Kati na pasi na bango, babelelaki Yawe, mpe abikisaki bango na mitungisi na bango.

Banzembo 107:28

Kati na pasi na bango, babelelaki Yawe mpe abimisaki bango na mitungisi na bango.

Banzembo 107:6

Bongo kati na pasi na bango, babelelaki Yawe, mpe akangolaki bango na mitungisi na bango.

Banzembo 136:23

Akanisaki biso tango basambwisaki biso ; pamba te bolingo na Ye ewumelaka seko na seko !

Bilombe 2:18

Tango nyonso Yawe azalaki kobimisela bango elombe, abandaki mpe kozala elongo na elombe yango mpo na kobikisa bango wuta na maboko ya banguna na bango, na tango nyonso oyo elombe yango azalaki na bomoi. Solo Yawe azalaki koyokela bango mawa, pamba te azalaki koyoka bango kolela liboso ya banyokoli na bango mpe ya bato oyo bazalaki komonisa bango pasi.

Bilombe 3:9

Bana ya Isalaele bagangaki epai ya Yawe, mpe Yawe abimiselaki bango mokangoli : Otinieli, mwana mobali ya Kenazi, leki ya Kalebi. Mpe Otinieli abikisaki bana ya Isalaele.

Bilombe 4:3

Yabini azalaki na bashar nkama libwa ya bibende, mpe anyokolaki makasi bana ya Isalaele mibu tuku mibale. Bongo bana ya Isalaele bagangaki epai na Yawe mpo na kosenga lisungi.

1 Samuele 9:16

Alobaki na ye : « Lobi, na ngonga oyo, nakotindela yo mobali moko kowuta na etando ya Benjame ; okopakola ye mafuta mpo ete azala mokambi ya bato na Ngai, Isalaele. Akokangola bato na Ngai na maboko ya bato ya Filisitia, pamba te namoni pasi ya bato na Ngai, mpe koganga na bango ekomaki kino epai na Ngai. »