Amosi 8:7 - Mokanda na Bomoi

⁷ Mpo na lolendo ya Jakobi, Yawe alapi ndayi na maloba oyo : « Nakobosana misala na bango ata moko te.

Amosi 8:7 ပူးပေါင်းရင်းမြစ်များ

Yobo 24:23

Nzambe apesaka bango kimia, kasi miso na Ye etalaka nzela na bango.

Banzembo 10:11

Amilobelaka : « Nzambe akotikala koyeba te, abombaka elongi na Ye mpe akotikala komona te. »

Banzembo 47:4

Atiaki bikolo na se na biso, mpe mabota na se ya bokonzi na biso.

Banzembo 47:5

Aponelaki biso libula na biso, oyo ezali lokumu ya Jakobi, molingami na Ye.

Banzembo 68:34

Boyembela Ye oyo atambolisaka mampinga kati na likolo, likolo ya libela ; oyo, wuta na mongongo na Ye, agangaka makasi.

Kobima 17:16

Moyize alobaki : « Lokola esali ete babundisi Kiti ya Bokonzi ya Yawe, Yawe akobundisa bato ya Amaleki tango nyonso. »

Ezayi 22:14

Yawe, Mokonzi ya mampinga, ayebisaki ngai yango na matoyi na ngai moko penza : « Kino bokokufa, bokotikala kozwa bolimbisi ya lisumu oyo te, » elobi Nkolo Yawe, Mokonzi ya mampinga.

Ezayi 43:25

Ezali Ngai, Ngai kaka nde nalimbisaka masumu na yo mpo na lokumu ya Ngai moko mpe nakokanisa lisusu masumu na yo te.

Jeremi 17:1

« Masumu ya Yuda ezali lokola makomi oyo bakoma na ekomeli ya ebende oyo ezali na songe ya diama ; bakoma yango na bitando ya mitema na bango mpe na maseke ya bitumbelo na bango.

Jeremi 31:34

Moko te akoteya lisusu moninga na ye to ndeko na ye na koloba : ‹ Yeba Yawe ! › Pamba te bango nyonso bakoyeba Ngai, kobanda na mwana moke kino na mokolo, » elobi Yawe, « nakolimbisa mabe na bango mpe nakokanisa lisusu masumu na bango te. »

Jeremi 44:21

— Boni, bokanisi ete Yawe abosani mpe azali kokanisa lisusu te malasi ya ansa oyo botumbaki kati na bingumba ya Yuda mpe na babalabala ya Yelusalemi, bino, batata na bino, bakonzi na bino, bakalaka na bino mpe bato nyonso ya mokili ?

Oze 7:2

Bamilobelaka te, kati na mitema na bango, ete Ngai nabosanaka te mabe nyonso oyo basalaka ; sik’oyo, misala na bango ya mabe ezingeli bango, ezali tango nyonso liboso na Ngai.

Oze 8:13

Bazali kobonza bambeka lokola likabo mpo na Ngai, mpe bazali kolia misuni ; kasi Yawe azali kosepela na bango te. Sik’oyo, akokanisa mabe na bango mpe akopesa bango etumbu mpo na masumu na bango : bakozonga na Ejipito.

Oze 9:9

Bamikotisi penza kati na mabe ndenge basalaki na mikolo ya Gibea. Nzambe akobosana mabe na bango te mpe akopesa bango etumbu mpo na masumu na bango.

Amosi 4:2

Nkolo Yawe alapi ndayi mpo na bosantu na Ye : « Solo, na mikolo ekoya, bakomema bino mpe bana na bino na bandobo ;

Amosi 6:8

Nkolo Yawe alapi ndayi na Kombo na Ye moko ; Yawe, Nzambe, Mokonzi ya mampinga, alobi : « Nazali na somo ya lolendo ya Jakobi, nayini bandako na ye, oyo batonga makasi ; nakokaba engumba elongo na biloko na yango nyonso. »

Luka 2:32

pole mpo na kongengisa bikolo, mpe nkembo ya bato na Yo, Isalaele. »