Abidiasi 1:1 - Mokanda na Bomoi

¹ Emoniseli ya mosakoli Abidiasi. Tala liloba oyo Nkolo Yawe alobi na tina na Edomi : « Toyoki sango moko kowuta na Yawe ; mpe ntoma moko atindami na bikolo mpo na koloba : ‹ Botelema. Tokende kobundisa Edomi. ›

Abidiasi 1:1 ပူးပေါင်းရင်းမြစ်များ

Ebandeli 25:30

Ezawu alobaki na Jakobi : — Nalembi makasi ; tika ngai nalia elubu oyo, elubu oyo kaka. Yango wana bazalaki mpe kobenga ye Edomi.

Ebandeli 36:8

Yango wana Ezawu, oyo azali Edomi, akendeki kovanda na ngomba Seiri.

Ebandeli 36:9

Tala libota ya Ezawu, koko ya bato ya Edomi, na ngomba Seiri :

Banzembo 137:7

Yawe, kobosana te bato ya Edomi oyo basekaki Yelusalemi na mokolo na yango ya mawa ; bazalaki koganga : « Bobuka yango, bobuka kino na miboko na yango ! »

Ezayi 21:11

Maloba na Yawe na tina na Duma. Moto moko azali kobelela Ngai wuta Seiri : « Mokengeli, olobi nini mpo na butu ? Mokengeli olobi nini mpo na butu ? »

Ezayi 21:12

Mokengeli azongisaki : Tongo elingi kotana, kasi butu mpe elingi koya. Soki bolingi kotuna mituna, botuna ; bongo bozonga mpe boya lisusu.

Ezayi 30:4

Ata bakalaka na bango bazali na Tsoani mpe bantoma na bango bakomi na Anesi,

Jeremi 25:17

Boye, nakamataki kopo yango na loboko ya Yawe mpe namelisaki yango bikolo nyonso epai wapi atindaki ngai :

Jeremi 25:21

Edomi, Moabi, bato ya Amoni ;

Jeremi 51:46

Bobanga te mpe bolemba nzoto te tango bokoyoka basango ya mabe kati na mokili : mobu oyo, sango ya mabe ; mobu oyo elandi, sango mosusu ya mabe ; kaka sango ya mobulu kati na mokili to sango ya mokonzi moko abundisi mokonzi mosusu.

Ezekieli 35:1

Yawe alobaki na ngai :

Mishe 2:13

Moto oyo apasolaka nzela akotambola liboso na bango. Bakolekela na nzela oyo bapasoli, bakolekela na nzela ya ekuke mpe bakobimela na nzela yango. Mokonzi na bango akotambola liboso na bango, Yawe akozala liboso na bango.

Matayo 24:6

Bokoyoka basango ya bitumba mpe nungunungu na tina na bitumba, kasi bomitungisa te mpo na yango ; pamba te makambo wana esengeli kosalema, kasi ekozala nanu suka ya mokili te.

Malako 13:7

Tango bokoyoka basango ya bitumba mpe nungunungu na tina na bitumba, kasi bomitungisa te mpo na yango ; pamba te makambo wana esengeli kosalema, kasi ekozala nanu suka ya mokili te.