2 Timote 4:20 - Mokanda na Bomoi

²⁰ Erasite atikalaki na Kolinto, mpe natikaki Trofime azali kobela na Mile.

2 Timote 4:20 ပူးပေါင်းရင်းမြစ်များ

Misala ya Bantoma 18:1

Sima na yango, Polo atikaki Ateni mpe akendeki na Kolinto.

Misala ya Bantoma 18:8

Krispisi, mokambi ya ndako ya mayangani, elongo na libota na ye mobimba bazalaki na kondima epai ya Nkolo ; mpe bato mingi ya Kolinto oyo bazalaki koyoka Polo bakomaki bandimi ya Nkolo mpe bazwaki libatisi.

Misala ya Bantoma 19:22

Atindaki na Masedwane, mibale kati na basungi na ye ya mosala, Timote mpe Erasite, wana ye moko atikalaki mwa mikolo na Azia.

Misala ya Bantoma 20:15

Longwa wana, tozwaki masuwa mpo na kokende, mpe tokomaki liboso ya Shio, mokolo oyo elandaki. Sima na mokolo moko, tokomaki na Samosi, mpe, mokolo oyo elandaki, tokomaki na Mile.

Misala ya Bantoma 20:17

Wuta na Mile, Polo abengisaki bakambi ya Lingomba ya Efeso.

Misala ya Bantoma 20:4

Tala bato oyo bakendeki na ye elongo : Sopatere, mwana ya Pirisi, moto ya Bere ; Arisitarke mpe Sekundusi, bato ya Tesalonika ; Gayusi, moto ya Derbe ; Timote, Tishike mpe Trofime, bato ya etuka ya Azia.

Misala ya Bantoma 21:29

Balobaki bongo mpo ete, liboso, bamonaki Polo elongo na Trofime, moto ya Efeso, kati na engumba mpe bakanisaki ete Polo akotisaki ye kati na Tempelo.

Barome 16:23

Gayusi, oyo ayambaki ngai mpe Lingomba mobimba kati na ndako na ye, apesi bino mpe mbote. Erasite, mobateli bomengo ya engumba, elongo na Karitisi, ndeko na biso, batindeli bino mbote. [