2 Samuele 18:27 - Mokanda na Bomoi

²⁷ Mokengeli alobaki : — Namoni moto ya liboso kokima mbangu lokola Ayimaatsi, mwana mobali ya Tsadoki. Mokonzi alobaki : — Azali moto malamu, azali koya na basango malamu.

2 Samuele 18:27 ပူးပေါင်းရင်းမြစ်များ

2 Samuele 18:26

Bongo mokengeli amonaki moto mosusu kokima mbangu, mpe abelelaki mokengeli ekuke : — Tala, moto mosusu azali kokima mbangu ye moko. Mokonzi alobaki : — Ye mpe amemi basango malamu.

1 Bakonzi 1:42

Wana azalaki nanu koloba, Jonatan, mwana mobali ya Nganga-Nzambe Abiatari, akomaki. Adoniya alobaki na ye : — Kota ! Moto ya lokumu lokola yo amemaka kaka basango ya malamu.

2 Bakonzi 9:20

Mokengeli alobaki : — Motindami akomi penza epai na bango, kasi ye mpe azali kozonga te. Nzokande, lolenge oyo ya kotambolisa ezali lokola ya Jewu, mwana mobali ya Nimishi, oyo atambolisaka lokola moto ya liboma.

Masese 25:13

Motindami ya sembo azalaka lokola mopepe ya malili ya mvula ya pembe na tango ya kobuka bambuma, asalaka esengo ya mokonzi na ye.

Masese 25:25

Basango ya malamu oyo ewuti na mokili ya mosika ezali lokola mayi ya pio kati na motema ya moto oyo azali na posa ya mayi.

Ezayi 52:7

Tala ndenge ezali kitoko, na likolo ya bangomba, makolo ya bato oyo basakolaka basango ya malamu, ba-oyo batatolaka kimia, ba-oyo bamemaka basango ya boboto, ba-oyo basakolaka lobiko, ba-oyo balobaka na Siona : « Nzambe na yo azali Mokonzi ! »

Barome 10:15

Mpe ndenge nini bakoki koteya soki batindami te ? Kolanda ndenge ekomama : « Tala ndenge ezali kitoko, makolo ya bato oyo basakolaka basango ya malamu ! »