2 Samuele 18:19 - Mokanda na Bomoi

¹⁹ Ayimaatsi, mwana mobali ya Tsadoki, alobaki na Joabi : — Pesa ngai nzela ya kokima mbangu mpo na kokende koyebisa mokonzi ete Yawe akangoli ye na maboko ya banguna na ye.

2 Samuele 18:19 ပူးပေါင်းရင်းမြစ်များ

2 Samuele 15:27

Mokonzi alobaki lisusu epai ya Nganga-Nzambe Tsadoki : — Ozali momoni makambo te ? Zonga na kimia na engumba elongo na Ayimaatsi, mwana na yo ya mobali, mpe Jonatan, mwana mobali ya Abiatari. Yo mpe Abiatari, bozwa mpe bomema bana na bino mibale ya mibali.

2 Samuele 15:36

Bana na bango ya mibali mibale, Ayimaatsi, mwana mobali ya Tsadoki, mpe Jonatan, mwana mobali ya Abiatari, bazali mpe kuna elongo na bango. Okotinda bango mpo ete baya koyebisa ngai makambo nyonso oyo okoyoka.

2 Samuele 17:17

Wana Jonatan mpe Ayimaatsi bavandaki na Eyini-Rogeli, mwasi mosali moko amemelaki bango sango oyo bango basengelaki kokende koyebisa mokonzi Davidi ; pamba te basengelaki te kokota kati na engumba mpo ete bamona bango te.

2 Samuele 18:20

Joabi alobaki na ye : — Ezali yo te moto osengeli komema sango na mokolo ya lelo ; okoki na yo komema sango mokolo mosusu, kasi mpo na lelo, osengeli te kosala yango, pamba te moto oyo akufi azali mwana ya mokonzi.

2 Samuele 18:23

Ayimaatsi alobaki : — Oyo ekoya eya ! Nandimi kokima mbangu. Joabi alobaki : — Kima mbangu ! Boye Ayimaatsi akimaki mbangu na nzela ya etando ya Yordani mpe alekaki moto ya Kushi.

2 Samuele 18:31

Bongo moto ya Kushi akomaki mpe alobaki : — Mokonzi, nkolo na ngai, yoka basango malamu ! Yawe akangoli yo lelo na maboko ya bato oyo babundisaki yo.

Banzembo 10:14

Pamba te, Yo Nzambe, omoni pasi ya banyokolami ; otalaka pasi na bango mpe ozwaka yango kati na loboko na Yo. Banyokolami bamipesaka epai na Yo oyo osungaka bana bitike.

Banzembo 10:18

mpo na kolongisa mwana etike mpe monyokolami ; boye, bato ya mokili bakobangisa lisusu te.

Banzembo 7:6

wana tika ete monguna na ngai alanda mpe akanga ngai, tika ete asakanela bomoi na ngai mpe abebisa lokumu na ngai.

Banzembo 9:16

Bapagano bakweyi na libulu oyo batimolaki, makolo na bango ekangami na mitambo oyo bango moko basalaki.

Banzembo 9:4

Banguna na ngai bazongaka sima, bakweyaka mpe balimwaka liboso na Yo.

Jeremi 51:31

Bato oyo bamemaka mikanda bazali kolandana mbangu, mpe bamemi sango bazali kolandana mbangu mpo na koyebisa mokonzi ya Babiloni ete babotoli engumba mobimba,

Barome 12:19

Balingami na ngai, bozongisaka te bino moko mabe na mabe, kasi bopesaka nzela na kanda ya Nzambe, pamba te ekomama : « Ngai nde nazongisaka mabe na mabe, Ngai nde nakofuta moto na moto, » elobi Nkolo.