2 Bakonzi 8:13 - Mokanda na Bomoi

¹³ Azaeli akamwaki mpe azongisaki : — Mpo na nini okosala makambo ya boye na mosali na yo ? Ata kutu mbwa eleki ngai na tina ! Elize alobaki lisusu : — Yawe amonisi ngai ete okokoma mokonzi ya Siri.

2 Bakonzi 8:13 ပူးပေါင်းရင်းမြစ်များ

2 Samuele 9:8

Mefibosheti agumbamaki mpe alobaki : — Mosali na yo azali nani mpo ete otala mbwa ya kokufa lokola ngai ?

1 Bakonzi 19:15

Yawe alobaki na ye : — Zonga na nzela oyo oyelaki mpe kende na esobe ya Damasi. Tango okokoma kuna, okopakola Azaeli mafuta mpo ete akoma mokonzi ya Siri.

2 Bakonzi 13:22

Azaeli, mokonzi ya Siri, anyokolaki Isalaele, na tango ya bokonzi ya Yoakazi.

2 Bakonzi 8:10

Elize azongisaki : — Loba na ye : « Solo, okobika na bokono oyo. » Nzokande, Yawe amonisi ngai ete akokufa.

Banzembo 22:16

Makasi na ngai ekawuki lokola potopoto, mpe nazali kokoka lisusu koloba te ; otie ngai pembeni ya lilita.

Banzembo 22:20

Kasi Yo, Yawe, kozala mosika te ! Ozali makasi na ngai ; yaka noki kosunga ngai.

Jeremi 17:9

Motema eleki biloko nyonso na lokuta mpe ekoki kobika te ; nani akoki koyeba yango ?

Mishe 2:1

Mawa na bato oyo babongisaka kosala mabe, oyo bakanisaka kosala bato mabe na bambeto na bango ! Bakokisaka yango na tongo, pamba te bazali na makoki ya kosala yango.

Matayo 7:6

Bopesa te biloko ya bule epai ya bambwa, noki te ekozongela bino mpo na koswa bino ; bobwaka te bapawuni na bino ya talo epai ya bangulu, noki te ekonyata-nyata yango.

Bafilipi 3:2

Bosala keba na bambwa, na bato mabe mpe na bato oyo batindikaka bino na kokatisa ngenga !

Emoniseli 22:15

Kasi bambwa, bato ya maji, bandumba, babomi, basambeli bikeko mpe bato nyonso oyo balingaka mpe basalelaka lokuta, bakozala na libanda ya engumba.

1 Samuele 17:43

Moto ya Filisitia alobaki na Davidi : — Boni, ngai nazali mbwa mpo ete oya kobundisa ngai na lingenda ? Bongo alakelaki Davidi mabe na nzela ya banzambe na ye.