1 Samuele 28:14 - Mokanda na Bomoi

¹⁴ Saulo atunaki ye : — Azali ndenge nini ? Mwasi azongisaki : — Ezali mobange mobali moko nde azali komata mpe alati kazaka. Bongo tango Saulo asosolaki ete ezali Samuele, akitaki mpe agumbamaki elongi kino na mabele.

1 Samuele 28:14 ပူးပေါင်းရင်းမြစ်များ

1 Bakonzi 19:19

Eliya alongwaki wana mpe akutanaki na Elize, mwana mobali ya Shafati. Azalaki kobalola bilanga na bangombe tuku mibale na minei bakangisa mibale-mibale liboso na ye mpe ye moko azalaki kotambolisa bangombe mibale ya suka. Eliya apusanaki pembeni ya Elize mpe abwakelaki Elize kazaka na ye.

2 Bakonzi 1:7

Mokonzi atunaki bango : — Moto oyo ayaki kokutana na bino mpe ayebisaki bino makambo oyo azalaki ndenge nini ?

2 Bakonzi 2:8

Eliya alongolaki kazaka na ye, agumbaki yango mpe abetaki yango na mayi ya ebale. Mayi ekabwanaki na ngambo ya loboko ya mobali mpe na ngambo ya loboko ya mwasi, mpe bango mibale bakatisaki.

1 Samuele 15:27

Lokola Samuele abalukaki mpo na kokende, Saulo akangaki ye na songe ya kazaka na ye, mpe kazaka epasukaki.

1 Samuele 24:8

Na maloba oyo, Davidi agangelaki bato na ye mpe apekisaki bango kobundisa Saulo. Saulo abimaki na ebombamelo yango mpe akobaki nzela na ye.

1 Samuele 28:13

Mokonzi alobaki na ye : — Kobanga te, omoni nini ? Mwasi alobaki na Saulo : — Namoni nzambe moko kobima na mabele.