1 Samuele 2:1 - Mokanda na Bomoi

¹ Ana asambelaki na maloba oyo : Motema na ngai ezali kosepela mpo na Yawe mpo ete alendisi bomoi na ngai. Wana nazali na esengo mpo ete okangoli ngai, monoko na ngai ekotelemela banguna na ngai.

1 Samuele 2:1 ပူးပေါင်းရင်းမြစ်များ

2 Masolo ya Kala 20:27

Na bokambami ya Jozafati, bato nyonso ya Yuda mpe ya Yelusalemi bazongaki na esengo na Yelusalemi, pamba te Yawe atondisaki bango na esengo wana akangolaki bango na maboko ya banguna na bango.

Neyemi 11:17

Matania, mwana mobali ya Mishe, mwana mobali ya Zabidi, mwana mobali ya Azafi, mokambi oyo azalaki kotinda banzembo ya matondi na tango ya losambo ; Bakibukia, molandi kati na bandeko na ye mpe Abida, mwana mobali ya Shamuwa, mwana mobali ya Galali mpe mwana mobali ya Yedutuni.

Yobo 16:15

Natongi elamba na ngai ya saki na poso ya nzoto na ngai mpe nakundi lokumu na ngai nyonso na se ya putulu.

Banzembo 118:14

Yawe azali makasi mpe nguya na ngai ; apesaki ngai elonga.

Banzembo 13:5

bongo monguna na ngai akoloba : « Nalongi ye, » mpe bayini na ngai bakosepela soki nakweyi.

Banzembo 148:14

Abongisi elombe mokangoli mpo na bato na Ye ! Ezali likambo oyo bayengebene na Ye nyonso, bana nyonso ya Isalaele, bato oyo balingaka Ye, basengeli kokumisa Yawe mpo na yango. Bokumisa Yawe !

Banzembo 18:2

Oh Yawe, makasi na ngai, nalingaka Yo.

Banzembo 20:5

Tika ete akokisa posa ya motema na yo mpe mabongisi na yo nyonso.

Banzembo 21:2

Yawe, mokonzi azali kosepela na nguya na Yo; Tala ndenge nini elonga oyo opesi ye epesi ye esengo monene !

Banzembo 35:9

Nakotonda na esengo kati na Yawe mpe nakosepela kati na lobiko na Ye.

Banzembo 51:15

Nakoteya banzela na Yo epai ya babuki mibeko, mpe bato ya masumu bakozonga epai na Yo.

Banzembo 71:8

Tika ete monoko na ngai etonda na masanzoli mpo na lokumu na Yo ; tika ete etatolaka tango nyonso kongenga ya nkembo na Yo.

Banzembo 75:10

Mpo na ngai, nakotatola makambo oyo tango nyonso, nakoyemba mpo na lokumu ya Nzambe ya Jakobi,

Banzembo 89:17

basepelaka mikolo nyonso na Kombo na Yo, basanzolaka bosembo na Yo.

Banzembo 89:18

Pamba te ozali nkembo mpe nguya na bango ; mpe olongisaka biso na ngolu na Yo.

Banzembo 89:24

Nakobebisa banguna na ye liboso na ye mpe nakoboma bayini na ye.

Banzembo 9:14

Yawe, yokela ngai mawa, tala ndenge nini bayini na ngai bazali konyokola ngai, mpe kangola ngai wuta na bikuke ya kufa ;

Banzembo 92:10

Yawe, banguna na Yo, banguna na Yo bakokufa penza ; bato nyonso ya misala mabe bakolimwa.

Kobima 15:1

Moyize mpe bana ya Isalaele bayembaki loyembo oyo mpo na lokumu ya Yawe : Nakoyemba mpo na lokumu ya Yawe, mpo ete amonisi monene ya nkembo na Ye ! Azindisi mpunda mpe motambolisi na yango kati na ebale monene.

Kobima 15:21

Miriami ayembaki elongo na bango : « Boyembela Yawe, pamba te amonisi monene ya nkembo na Ye ; azindisi na ebale monene, mpunda mpe motambolisi na yango. »

Abakuki 3:1

Libondeli ya Mosakoli Abakuki, na tina na lolenge ya banzembo ya mawa.

Abakuki 3:18

Kasi ngai nakosepela kati na Yawe mpe nakotondisama na esengo mingi kati na Nzambe, Mobikisi na ngai.

Luka 1:69

abimiseli biso Mobikisi ya nguya, kati na libota ya Davidi, mosali na Ye ;

Barome 5:11

Yango kaka te ! Tozali mpe komikumisa kati na Nzambe na nzela ya Yesu-Klisto, Nkolo na biso, oyo azongisi boyokani na biso elongo na Nzambe.

Deteronomi 33:17

Na lokumu, azali lokola mwana liboso ya ngombe ; maseke na ye ezali lokola ya mpakasa. Na nzela na yango nde ebetaka bikolo, ata bikolo oyo ezali na suka ya mokili. Tala ndenge nini bato ya Efrayimi bazali ebele penza, tala ndenge nini bato ya Manase bazali penza ebele ! »

Bafilipi 3:3

Biso nde tozali bato oyo bakatisa ngenga na solo, pamba te tosambelaka Nzambe na nzela ya Molimo na Ye, tomikumisaka kati na Yesu-Klisto mpe totiaka elikya na biso na nzoto te,

Bafilipi 4:4

Bosepelaka tango nyonso kati na Nkolo ; nazongeli yango lisusu : bosepelaka !

Bafilipi 4:6

Bomitungisaka ata na likambo moko te ; kasi na makambo nyonso, botalisaka baposa na bino epai ya Nzambe na nzela ya losambo, ya mabondeli elongo na matondi.

1 Petelo 1:8

Bolingaka Yesu-Klisto atako bomona Ye te. Atako bozali mpe kaka komona Ye te sik’oyo, bozali kondimela Ye mpe botondi na esengo ya nkembo oyo moto akoki kolimbola te,

Emoniseli 18:20

Likolo, sepela na libebi na yango ! Bino mpe basantu, bosepela ! Bino bantoma mpe basakoli, bosepela mpe lokola ! Pamba te Nzambe alongisi bino awa akateli yango etumbu. »

1 Samuele 1:6

Nzokande, lokola Yawe akangaki ye mabota, mbanda na ye azalaki kaka kotiola ye tango nyonso mpo ete atomboka.

1 Samuele 1:7

Elikana azalaki kosala bongo mibu nyonso. Mpe tango nyonso Ana azalaki kokende na Ndako ya Yawe, mbanda na ye, Penina, azalaki kotika te kotiola ye. Bongo, lokola Ana azalaki kolela mpe azalaki kolia te,