1 Samuele 18:11 - Mokanda na Bomoi

¹¹ Mbala moko, Saulo abwakaki likonga na ye na koloba : « Nakobamba Davidi na mir. » Kasi Davidi akimaki ye mbala mibale.

1 Samuele 18:11 ပူးပေါင်းရင်းမြစ်များ

Masese 27:4

Kotomboka ememaka makambo ya somo, mpe kanda ebebisaka ; kasi nani akoki kotelema liboso ya zuwa ?

Ezayi 54:17

Nzokande, ebundeli moko te oyo esalemi mpo na kosala yo mabe ekolonga ; mpe monoko nyonso oyo ekotelemela yo na kosambisa, okokatela yango etumbu. Yango nde ekozala libula ya basali ya Yawe, mpe elonga na bango kowuta epai na Ngai, elobi Yawe.

Luka 4:30

Kasi Yesu alekaki na kati-kati na bango mpe akobaki mobembo na Ye.

Yoane 10:39

Mpo na yango, balukaki lisusu kokanga Ye, kasi Yesu akimaki bango.

Yoane 8:59

Tango Bayuda bayokaki bongo, balokotaki mabanga mpo na kobamba Yesu, kasi abombamaki mpe abimaki libanda ya lopango ya Tempelo.

Ba-Ebre 11:34

balongaki nguya ya moto oyo ezalaki kopela makasi mpe babikaki na kufa ya mopanga. Atako bazalaki bato ya bolembu, bakomaki makasi na bitumba mpe bakimisaki mampinga ya basoda ya bapaya.

1 Samuele 20:33

Saulo abwakelaki Jonatan likonga na ye mpo na koboma ye, mpe Jonatan asosolaki ete tata na ye azali na makanisi ya koboma Davidi.