1 Samuele 14:7 - Mokanda na Bomoi

⁷ Elenge mobali oyo azalaki komema bibundeli na ye azongisaki : — Sala nyonso oyo ozali na yango na makanisi. Kende ! Nazali elongo na yo na motema mpe na molimo.

1 Samuele 14:7 ပူးပေါင်းရင်းမြစ်များ

2 Samuele 15:15

Bakalaka ya mokonzi bazongiselaki Davidi : — Basali na yo bazali ya kobongama mpo na kosala makambo nyonso oyo mokonzi, nkolo na biso, akopona.

2 Samuele 7:3

Natan azongiselaki mokonzi : — Sala nyonso oyo ozali na yango na motema, pamba te Yawe azali elongo na yo.

Banzembo 46:7

Bikolo ezali kotomboka, bamboka ezali kokweya ; kasi Nzambe atomboli mongongo na Ye, mpe mabele ebukani.

Zakari 8:23

Tala liloba oyo Yawe, Mokonzi ya mampinga, alobi : « Na mikolo wana, bato zomi ya bikolo mpe ya nkota ya ndenge na ndenge bakokanga songe ya nzambala ya Moyuda moko mpe bakoloba : ‹ Tika ete tokende elongo na yo, pamba te toyoki ete Nzambe azali na bino elongo. › »

Bilombe 9:54

Abimeleki abengaki na lombangu elenge mobali oyo azalaki komema bibundeli na ye mpe alobaki na ye : « Bimisa mopanga na yo mpe boma ngai mpo baloba te na tina na ngai : ‹ Mwasi moko abomaki ye. › » Boye, elenge mobali atobolaki ye mopanga mpe akufaki.

1 Samuele 10:7

Soki kaka omoni bilembo oyo kokokisama, wana sala na yo nyonso oyo okoki kosala mpo na yo moko, pamba te Nzambe azali elongo na yo.

1 Samuele 14:6

Jonatan alobaki na elenge mobali oyo azalaki komema bibundeli na ye : — Yaka ! Tokende na molako ya bato oyo bakatama ngenga te. Tango mosusu Yawe akosala mpo na biso, pamba te eloko moko te ekoki kopekisa Yawe kobikisa, ezala na nzela ya bato ebele to ya bato moke.

1 Samuele 14:8

Jonatan alobaki na ye : — Tokende kino na molako ya basoda yango mpe tomimonisa epai na bango.