1 Bakolinto 4:16 - Mokanda na Bomoi

¹⁶ Boye, nabondeli bino : bolanda ndakisa na ngai.

1 Bakolinto 4:16 ပူးပေါင်းရင်းမြစ်များ

1 Bakolinto 11:1

Bolanda ndakisa na ngai, ndenge ngai nalandaka ndakisa ya Klisto.

Bafilipi 3:17

Bandeko, bino nyonso bolanda ndakisa na ngai mpe bomekola ezaleli ya bato oyo bazali kotambola lokola biso.

Bafilipi 4:9

Bosalela makambo nyonso oyo boyekolaki, bozwaki, boyokaki mpe bomonaki epai na ngai ; bongo Nzambe ya kimia akozala elongo na bino.

1 Batesalonika 1:6

Bokomaki kolanda ndakisa na biso mpe ya Nkolo, pamba te boyambaki Liloba kati na minyoko mingi mpe na esengo oyo Molimo Mosantu apesaka.

2 Batesalonika 3:9

Nzokande elingi koloba te ete tozangaki makoki mpo na lisungi ya ndenge wana, kasi tosalaki bongo mpo ete tokoma ndakisa mpo na bino.

Ba-Ebre 13:7

Bokanisaka bakambi na bino, oyo bateyaki bino Liloba na Nzambe ; botala ndenge nini suka ya bomoi na bango ezalaki, mpe bomekola kondima na bango.

1 Petelo 5:3

na makanisi te ya kokonza bato oyo bapesameli bino, kasi na kozalaka bandakisa mpo na etonga.