Sam 97:5 - Madak

⁵ Lengkongkaana di kadan ngan levelumlut misiu ro melamgo at Leeme Silok, go melamgo at Leeme Silok at lavatbung menemen axap.

Sam 97:5 ပူးပေါင်းရင်းမြစ်များ

Sam 46:6

Limixin boro at levenbung mixin petpes dinaba rakdu mi lanmarat, levengkot silok nabangne. Moroa naba vaase butbutki, la lavatbung menemen naba sonao.

Sam 47:2

Leeme Silok, ni Leeme Avolo. Dik atana lok ngangao aleng teren; neni Loorong Silok, im gomgonga na lavatbung menemen axap.

Sam 75:4

A paase limixin tongtonga xepe xusu dinak lok ngangao la di noxo simi aurut di.

Sam 83:18

Naba lox avukat do dina xasep do nenu xusuk mun Leeme Silok, la Lamgomgo silok tinotno; u lolos aleng pana axap at lavatbung menemen.

Lagale Lavavang At Ne Iesu Karisito Mak Ga Malagan I 11:3

Dola tara na sue numu do, ‘Tila nemu mu soxomus ka nom lodongki?’ muba lok tin keretna, ‘Leeme Silok i vara i la maba lok li amlong soso bok ba i.”

1 Korin 1:2

A malagan i na lovoang tinemi limixin at ne Moroa dom Korin; la ne Moroa ga lox akmokso luruptuvuk atnimi at lekngen ne Iesu Karisito xusu nemi limixin dadat teren. Moroa ga ro xaka vam nimi do ateren; la nemi mit kis esogo amisik mi ne Iesu Karisito, kerekngan limixin to at lengkot axap di lotu parap Leeme Silok atdik ne Iesu Karisito, neni Leeme Silok atdi la Leeme Silok bok atdik.