Sam 97:10 - Madak

¹⁰ Leeme Silok i balamu nedi ding tungun ti laxapmek; neni ik lok tatao lorooro at limixin teren. Neni ik lox asepmus di basinge lolos at limixin dik lok lengkakapmek.

Sam 97:10 ပူးပေါင်းရင်းမြစ်များ

Sam 101:3

la a noxo esuuxun mi laxapmek. Nia ak lox angtungun ti leveloklok atnedi dim taba arulu ne Moroa; nia a noxot kis esogo rinotno eburu minedi.

Sam 119:104

Lempapaase auru mun taram im taba ia mi levendoxoma nunuan; kuren la nia axo esuxun mi limixin sosolo arup.

Sam 119:163

Ak sok tixirixes laxaxarang la labalak i xapmek tin, ketla labalak i tu aleng Lenavolo ram.

Sam 121:7

Leeme Silok axa nabak lox asepsu amisix u basinge levenaniu; la ni naba kok avukar u.

Sam 125:3

Limixin kapmek di noxom gomgonga amisik laxangka at limixin mokmokso. Mo do dina lox i xuren, limixin mokmokso bok giba vubeles at laxapmek.

Sam 145:20

Neni ik lok tatao nedi ua di vavara aleng tin, ketla neni naba sev amet nedi limixin dik lok laxapmek.

Sam 31:23

Nemi luvuttadi mi nuunu saga at levelinga at Leeme Silok, mina ngaongao rin. Leeme Silok i kok nedi luvuttadi ruturun teren; ketla ni ik lox asongot nedi dit las di, mo losongsongot i epovo rinedi limixin kerepmo.

Sam 34:14

Mina repukus basinge laxakapmek la minak lok leveloklok avukat. Mina lolos amisik ti ruuna ka limila ukeneng at lorooro axap atnemi.

Sam 36:4

Im doma agagas li levempanga xakapmek do ik midi ro at loora ren; kopmen nak lok tevempanga avukat, la kopmen tinotno nak sok sisixe lempanga xapmek.

Sam 91:14

Moroa i vaase xeretna, “Anaba lox asepsu nedi di balamu ia la anaba xok nedi ua di ven kibis ia do nenia Leeme Silok.

Lovoang At Ne Pol Ti Limixin Nunu to Rom 12:9

Nemen gat miguta voovo mene i do mi ruuna labalamu, ketla mina balamu rinotno limixin axap. La mina sok tixirixes kepe leveloklok kapmek, la minam tebeng alolos at leveloklok avukat.

Lovoang At Ne Pol Ti Limixin Nunu to Rom 7:15

Nia xopmen anakleklen levempanga nenia ak lox i; la axok lok levempanga avukat nenia a vavara xusu anak lox i, ketla arak lok manga levempanga xapmek nenia a xopara rin.

Lovoang At Ne Pol Ti Limixin Nunu to Rom 7:24

Lainbulu silok ik lok tarak, atla nege naba lok kepe ia basinge na labantuxu im lam kaka ia ri lanmet?

1 Korin 8:3

Ketla do laradi i balamu aleng ne Moroa, ne Moroa ikleklen avukat mo laradi.

2 Tesalonia 3:2

La mina sing bok dola limixin kapmek di noxo ru pe lugugu atnama, mila buaang limixin mo, kopmen tunuunu atdi.

Jems 1:12

I lox avukat aleng do laradi nuunu na tu tuxuruxun maxopok at leveloklok tong pen. Mo do laradi ira sak tup pam mi leveloklok tong pen, i lox avukat mila ne Moroa naba raba i mi lavatbungorong, i lok ngan luunun tin la neni lorooro avolo. Ganoxa ne Moroa ga paase alii i do ni naba raba i ri mo limixin di balamu i.

Jems 2:5

Luvutnetak mi luvurinuk orong. Nemi axap mina ronga ia. Luvuttadi mo di lok ngan lavanga gamasa at lemeren limixin at na lavatkangka, Moroa ga soxolik ka vam di kusu diba umsu mi lunuunu la dina nemen ngan lavaanat too at Linintoo ren. Neni ga paase alii i do nedi limixin di balamu i, diba lok ka loxot at Linintoo ren.

1 Pita 1:5

La ne Moroa ik lok li i rinemi limixin mi ruuna lunuunu la neni ik lok tatao nemi mi lololos teren kusu ri loklox arooro, mo ne Moroa naba lox asuvos i at laxavaxap at na lavatbung menemen.

1 Pita 1:8

Nemi xovisi mina ven tu ren, ketla mi kox i; la mo nga mixo ven tu ren, ketla mi nuunu ren. La mi umsu mi lomomo i silok aleng, la neni mo lomomo nenia axo epovo xusu ana mii poovo i mi tepanga mila i silok aleng.

1 Jon 4:19

Nedik ta umsu mi labalamu atla ne Moroa ga balamu avot dik.

1 Jon 5:18

Nedik takleklen i do mo tara i ruuna ka vam livipisik amaxat at lorooro ren keneng at ne Moroa, neni noxo lok bok ba laxakapmek. La ne Nitna ne Moroa i lok tatao i kusu laradi kapmek ne Satan noxo lok kapmex i.

Lisilimet 13:8

La limixin axap at na lavatbung menemen diba lotu parav i; nedi limixin kopmen levenasen atdi ik lok at lubuk at lorooro, mo lubuk ga nemen avot ti luruntudum li at na lavatbung menemen, la ni lubuk at Lanasip, mo ga uu at laxaba.