Sam 95:6 - Madak

⁶ Ude nimi, la ata xis tintiding la ata ngising tin; ata xis mi lempatgulom atdik at lemeren Leeme Silok, neni laradi runtudum li atdik!

Sam 95:6 ပူးပေါင်းရင်းမြစ်များ

Sam 100:3

La mina ven kibis i do Leeme Silok neni ne Moroa. Neni ga rudum dik, la nedik ateren akmokso; nedik limixin teren, nedik laxasipsip teren.

Sam 119:73

Uga rudum ia mi lukngam la uk lox alipe ia basinge laniu; um taba ia mi levendoxoma nunuan kusu ri lox ase at levempapaase ali ram.

Sam 139:13

Uga rudum lengkot axap at labantuxu rak; uga vop etang ia ro xeneng at latnenat at ne naga.

Sam 149:2

Nemi leme Israel, minak lek mumu laradi runtudum li atnemi; nemi limixin me Saion mina momo mumu mo Loorong Silok atnemi!

Sam 72:9

Limixin boro at lamatbin dinaba tu tiktikbu mi lempatgulom atdi ro melamgo ren; la lavamunepen teren dinaba subu midi gamasa mi lenbantuxu atnedi uto xopok at laxangka ri lok ngangao ren.

Sam 95:1

Ude nimi, ata emi asu mi Leeme Silok! Atak pixan mi leklek ti ne Moroa, neni ua i kok nedik!

Metiu 4:2

Melemu at lumun an teren at lavanuet sangaun aleng la kanimin, neni ga roxo ba.

Metiu 4:9

La ne Satan ga lok tin, “Ana axap lempanga aba raba u min mo do una xis tiktikbu mi luvatgulom taram de melamgo rak la una lotu saparav ia.”

Lagale Lavavang At Ne Iesu Karisito Mak Ga Malagan I 14:35

La ni ga vas silatla xakalik la ni ga subu midi mi lumeren uto xopok at laxangka la ga sing ne Moroa do i epovo na lok kepe mo lavanga ba rupot saparav i ap mo laaleng.

Lagale Lavavang At Ne Iesu Karisito Luk Ga Malagan i 22:41

La neni ga vas silatla axakalik uto basinge luvuttadi loklok ka anasa, la ga xis tiktikbu mi luvatgulom teren la ga sing.

Lagale Lavavang At Ne Iesu Karisito Jon Ga Malagan I 1:3

Keneng teren ne Moroa ga rudum li levempanga axap; la kopmen tepanga at nai luruntudum li, gita ravasu boro at tara vetpes.

Leven Gugu 20:36

Pol ga vaase axap la ni ga xis tiktikbu mi luvatgulom teren eburu minedi axap limixin la ni ga sing.

Leven Gugu 21:5

Ketla levenaleng atnama ri nemen go ga xap, la maga on basinge mo lemenemen silok. Nedi axap, eburu mi lavakin atnedi la laxaalik kakalik atdi, diga vas kaxat eburu minema uto loxon. Maga xis tiktikbu mi lempatgulom atnama ro loxon la maga lok lising.

Leven Gugu 7:60

Ni ga xis tiktikbu mi luvatgulom teren la ni ga sing silok keretna, “Leeme Silok. Nemen uta doxoma na laxakapmek atnedi di lox i ria.” Ni ga tong i mo la ni ga met ta.

1 Korin 6:20

Neni ga xuruse ka vam nemi mi luunun. Kuren la mina ke xepe loklok kakapmek keneng at labantuxu atnimi la kerepmo miba lox asuusu loklok ngangao ri ne Moroa.

Epesas 3:14

Do nenia a doxoma na lodomdoma alii ren, nia a xis tintiding to melamgo at ne Tamak.

Pilipai 2:10

Kuren la limixin axap dina lok ngangao at laasen at ne Iesu; nedi limixin no vana at laxalibet la nedi bok at na lavatbung menemen la nedi bok diga met pam; nedi axap dinaba xis tiktikbu mi lempatgulom atdi.

1 Pita 4:19

Kuren la nedi dik lok kaka losongsongot mila dik lok mu asu lavavara at ne Moroa, dina tu lolos at leveloklok nunuan, la lunuunu atnedi na tu tuxuruxun at ne Moroa, laradi runtudum li, la neni kopmen na domampe laxakaape ren.

Lisilimet 22:17

Loroonan Kaala eburu mi latkin epot maxat du lok keretna, ‘Ude nimi.’ La nedi di ronga i na, dina lok bok keretna, ‘Ude nimi.’ Do nege i minu, i epovo do neni na rupot, la nege i vara ladan tooro, neni na lok ka i, mila kopmen tuunun teren.”

Lisilimet 22:8

Nenia ne Jon; aga ronga na levelinga la aga ven na lempanga, la aga xis tiktikbu mi luvatgulom tarak ti lotu parap laangelo mo ga lox ase ia mi na lempanga.