Sam 91:14 - Madak

¹⁴ Moroa i vaase xeretna, “Anaba lox asepsu nedi di balamu ia la anaba xok nedi ua di ven kibis ia do nenia Leeme Silok.

Sam 91:14 ပူးပေါင်းရင်းမြစ်များ

Sam 9:10

Leeme Silok, nedi dikleklen u, dinaba nuunu saga ram. La uxo raba arulu tara do lebelen i ngaongao ru.

Lagale Lavavang At Ne Iesu Karisito Jon Ga Malagan I 14:23

Iesu ga vorang i rin keretna, “Do nege i balamu ia, neni naba ronga res at levenanasa rak. Ne Tamak naba balamu i, la nema’ mi ne Tamak, maba esuxun min la mana nemen eburu min.

Jems 1:12

I lox avukat aleng do laradi nuunu na tu tuxuruxun maxopok at leveloklok tong pen. Mo do laradi ira sak tup pam mi leveloklok tong pen, i lox avukat mila ne Moroa naba raba i mi lavatbungorong, i lok ngan luunun tin la neni lorooro avolo. Ganoxa ne Moroa ga paase alii i do ni naba raba i ri mo limixin di balamu i.

Lagale Lavavang At Ne Iesu Karisito Jon Ga Malagan I 16:27

Nemi xa mina sing ne Tamak mila ne Tamak axa i balamu aleng nimi. I balamu nemi mila nemi mi balamu ia la mira nuunu do nenia aga vas kaxat boro at ne Moroa.

Lovoang At Ne Pol Ti Limixin Nunu to Rom 8:28

Nedik ataklen i do ne Moroa i gugu mi luvukat at levempanga axap, keneng at lorooro atnedi di balamu i, la nedi no neni gara ro xaka vam nedi xerekngan lodoxoma ren kuren.

Jems 2:5

Luvutnetak mi luvurinuk orong. Nemi axap mina ronga ia. Luvuttadi mo di lok ngan lavanga gamasa at lemeren limixin at na lavatkangka, Moroa ga soxolik ka vam di kusu diba umsu mi lunuunu la dina nemen ngan lavaanat too at Linintoo ren. Neni ga paase alii i do nedi limixin di balamu i, diba lok ka loxot at Linintoo ren.

Galesia 4:9

Ketla amo manga miraklen ne Moroa, i ruturun aleng do ne Moroa iklen nemi; ira lok bok ba mo xereva la miramlong mu manga mo leveloklok la leventaangas gamasa at Lenavolo la mira lok li nimi maxopok teren? Tila la mira vara manga i xusu mina lok ngan lavaanat saxaruki at na laxaloklok?

Sam 91:9

Mira siam ka vam Leeme Silok i ngan Lentupe rinimi. Mo Leeme Avolo i ngan Lurutu See Pe rinimi;

Lagale Lavavang At Ne Iesu Karisito Jon Ga Malagan I 17:3

Lorooro avolo i lok keretna; do dinakleklen u, legesa Moroa ruturun kusuk mun la dinakleklen ia, ne Iesu Karisito, nenu ga riki ia ude.

Sam 59:1

O Moroa, nenu ne Moroa rak. Una lox asepsu ia basinge limixin di munepen minia; una rupe ia at mo limixin di lok do na sep amer ia.

Sam 9:11

Minak pixan emi asu ri Leeme Silok, mo it kix ngan lamgomgo rovana Saion. Mina tong axasev i ri limixin at larabung mixin axap mumu levempanga ni gak lox i.