Sam 90:8 - Madak

⁸ U saali leveloklok kakapmek atnema ro melamgo ram, mo leveloklok alipe atnema ik lok go ap mo loxot nenu u epovo ri reven kaka di.

Sam 90:8 ပူးပေါင်းရင်းမြစ်များ

Sam 10:11

Laradi xapmek im doma i do, “Moroa xopmen nam doma solo limixin! Ira vamet pam la kopmen na epovo ri ven ia!”

Sam 109:15

A vara mo laxapmek atdi nak lok amisik to melamgo at Leeme Silok la neni naba ra korop asu xepe nedi basinge lodoxoma at limixin.

Sam 19:12

Leeme Silok, kopmen tara i epovo xusu ni na ven axa libilinga ren, kuren la una doxoma xepe mo libilinga nia xopmen na xasep teren.

Sam 50:21

Miga lok na levempanga axap, ketla nia a goxo tong toxolinga, la miga doma i do nia a lok ngan nimi. Ketla nanga ana paase sok nimi la ana lox asuvos nemi at lavapaase.

Sam 80:16

Lavamunepen atnema digara ra koxorop asi vam i la digara song arup laxao ren; una sep di mi lebelemamao ram la una sev amet asonao rino di!

Lovoang At Ne Pol Ti Limixin Nunu to Rom 2:16

Lagale Lavavang nia a vavang min, i tong asu i do ne Moroa naba ila mumu loklok at limixin at laaleng ete la keneng at ne Iesu Karisito neni naba ila mumu bok levendoxoma alipe xapmek at limixin.

1 Korin 4:5

Kuren la nemen mita ila mumu avot tara ri mo laaleng do naba vot. Laaleng ti ila mumu loklok at limixin noxo vot se Leeme Silok nabamlong; la neni naba lok li lempanga mo nga ik lok at lamain bonot ti laxasep, la naba lox asaxaven levendoxoma i nemen alipe ro xeneng at lorooro at limixin. Ap mo laaleng Moroa naba lox asuusu leemi asu ri limixin.

1 Jon 3:20

Do nedik ata suma xapmek ap mo laaleng mumu laxakapmek nedik ga lok pam i gano, ata xasep do nedik limixin at ne Moroa, la neni noxo lok li lumumuat atdik, mila ne Moroa noxo doma solo mo lusumsuma atdik la ikleklen lempanga axap la naba doxoma xepe laxakapmek atdik.

Lisilimet 20:12

La aga ven nedi diga met pam, limixin silok la limixin gamasa, diga tu ro melamgo at loxonin orong at ne Moroa. Lentaba lempatbuk mo ga repalas. La lara lubuk ap mo levenbuk diga suang i, ni lubuk at lorooro. La ne Moroa ga ila mumu loklok atnedi limixin, la mo leveloklok atdi gak lok ap mo levenbuk.